’افغانستان میں چھپے 76 دہشتگرد پاکستان کے حوالے کیے جائیں‘

17 Feb, 2017 بی بی سی اردو
پاکستانح فوج کا کہنا ہے کہ افغان سفارتخانے کے حکام کو جی ایچ کیو طلب کر کے ایسے 76 دہشت گردوں کی فہرست ان کے حوالے کی گئی ہے جو کہ افغانستان میں چھپے ہوئے ہیں۔
جی ایچ کیو

پاکستانی فوج کا کہنا ہے کہ افغان سفارتخانے کے حکام کو جی ایچ کیو طلب کر کے ان سے وہاں پناہ لینے والے دہشت گردوں کے خلاف فوری کارروائی کا مطالبہ کیا گیا ہے۔

فوج کے شعبۂ تعلقاتِ عامہ کے سربراہ میجر جنرل آصف غفور نے جمعے کی صبح ٹوئٹر پر اپنے پیغام میں بتایا کہ افغان حکام کو ایسے 76 دہشت گردوں کی فہرست دی گئی ہے جنھوں نے افغانستان میں پناہ لے رکھی ہے۔

پاکستان اور افغانستان کی سرحد غیرمعینہ مدت کے لیے بند

آئی ایس پی آر کے ڈائریکٹر جنرل کے مطابق افغان حکام سے کہا گیا ہے کہ وہ ان دہشت گردوں کے خلاف کارروائی کریں اور انھیں پاکستان کے حوالے کیا جائے۔

خیال رہے کہ جمعرات کی شام سندھ کے شہر سیہون میں لعل شہباز قلندر کی درگاہ پر خودکش حملے میں 70 سے زیادہ افراد کی ہلاکت کے بعد پاکستان نے افغانستان کے ساتھ اپنی سرحد بھی تاحکمِ ثانی بند کرنے کا اعلان کیا تھا۔

پاکستانی فوج نے کہا ہے کہ یہ فیصلہ سکیورٹی خدشات کی وجہ سے کیا گیا ہے۔

پاکستان کے سرکاری ٹی وی کے مطابق طورخم کے بعد چمن کے مقام پر بھی افغان سرحد بند کر دی گئی ہے اور سرحد عبور کرنے کی کوشش کرنے والے کو گولی مار دینے کا حکم دیا گیا ہے۔

ٹویٹ

افغان حکام سے کہا گیا ہے کہ وہ ان دہشت گردوں کے خلاف کارروائی کریں اور انھیں پاکستان کے حوالے کیا جائے۔

پاکستان میں گذشتہ چند دنوں کے دوران شدت پسندی کے واقعات میں اضافہ دیکھنے میں آیا ہے اور ان میں 100 سے زیادہ افراد ہلاک ہوئے ہیں۔

ان حملوں میں سے بیشتر کی ذمہ داری کالعدم تحریکِ طالبان سے علیحدہ ہونے والے دھڑے جماعت الاحرار کی جانب سے قبول کی گئی ہے۔

پاکستانی سول اور فوجی حکام کا دعویٰ ہے کہ یہ کارروائیاں افغانستان میں محفوظ پناہ گاہوں میں چھپے شدت پسندوں نے کی ہیں۔

پاکستان کے دفتر خارجہ نے اس سلسلے میں منگل کو اسلام آباد میں افغان مشن کے نائب کو طلب کر کے کالعدم شدت پسند تنظیم جماعت الاحرار کی افغانستان میں موجود پناہ گاہوں سے پاکستان کی سرزمین پر ہونے والے حملوں پر شدید تحفظات کا اظہار بھی کیا تھا۔

پاکستانی دفتر خارجہ کی جانب سے جاری ہونے والے بیان کے مطابق افغان سفارت کار سے مطالبہ کیا گیا کہ افغانستان اپنی سرزمین پر دہشت گردوں اور ان کی پناہ گاہوں، مالی معاونت کرنے والوں اور سہولت کاروں کو ختم کرنے کے لیے فوری کارروائی کرے۔

طورخم

پاک افغان سرحد کی بندش فوری طور پر نافذ العمل ہو گی اور اس کی وجہ سکیورٹی خدشات بتائی گئی ہے

پاکستانکی بّری فوج کے سربراہ جنرل قمر جاوید باجوہ نے بھی جمعرات کو ایک بیان میں کہا تھا کہ دشمن ایجنسیاں خطے کے امن اور استحکام کو نقصان پہنچانے سے باز رہیں۔

ان کا کہنا تھا کہ ’دہشت گرد افغانستان میں محفوظ پناہ گاہوں میں دوبارہ منظم ہونے کی کوشش کر رہے ہیں اور ہمارے معاشرے میں شک اور مایوسی پھیلانے کی کوشش کر رہے ہیں۔'

جنرل باجوہ کا یہ بھی کہنا تھا کہ ’کوششیں جاری رہیں گی کہ پاکستانی سرزمین کسی اور ملک میں کارروائیوں کے لیے استعمال نہ ہو اور ہم توقع کرتے ہیں کہ دیگر ممالک بھی اپنی سرزمین پاکستان میں کارروائیوں کے لیے استعمال نہیں ہونے دیں گے۔'

Watch Live News

پاک فضائیہ کے سربراہ سہیل امان نے عید کا دن آپریشنل بیس پر گزارا

27 Jun, 2017 اب تک

پاک فضائیہ کے سربراہ سہیل امان نے عید کا دن آپریشنل بیس پر گزاراراولپنڈی: (26 جون 2017) پ ... مزید

استعمال شدہ اشیا کی پہلی ویب سائٹ

27 Jun, 2017 بی بی سی اردو

ہارون رشیدبی بی سی اردو ڈاٹ کام، اسلام آباد'جب ہم نے اپنی ویب سائٹ شروع کی تو پہلے دن ہمیں ... مزید

سمارٹ فون پاکستان کی زرعی پیداوار میں اضافہ کرے گا

27 Jun, 2017 وائس آف امریکہ اردو

موبائل فون کے یہ پیغامات ایک خود کار نظام کے ذریعے بھیجے جاتے ہیں۔ اس نظام میں سیٹلائٹ سے  ... مزید

وزیراعظم کا سانحہ بہاولپور پر دکھ کا اظہار، متاثرین کیلئے نوکریوں کا اعلان

26 Jun, 2017 اب تک

وزیراعظم کا سانحہ بہاولپور پر دکھ کا اظہار، متاثرین کیلئے نوکریوں کا اعلانبہاولپور: (26 جو ... مزید

کرم ایجنسی سے تعلق رکھنے والوں کا اسلام آباد میں احتجاج

26 Jun, 2017 وائس آف امریکہ اردو

 ... مزید

آرمی چیف نے عید الفطر لائن آف کنٹرول پر جوانوں کے ساتھ منائی

26 Jun, 2017 اب تک

آرمی چیف نے عید الفطر لائن آف کنٹرول پر جوانوں کے ساتھ منائیراولپنڈی: (26 جون 2017) آرم ... مزید

’پاڑہ چنار پاکستان میں ہے یا کسی دوسرے ملک میں؟‘

26 Jun, 2017 بی بی سی اردو

جمعے کو ہونے والے دو دھماکوں کے بعد احتجاجی دھرنا چار دنوں سے جاری ہےپاکستان کے قبائلی علا ... مزید

آرمی چیف قمرجاوید باجوہ نے لائن آف کنٹرول پر جوانوں کیساتھ نمازعید ادا کی

26 Jun, 2017 نیو

اسلام آباد: عید کے دن بھی قوم کےبہادر جوان سرحدوں کی حفاظت پر مامور ہیں۔ آرمی چیف جنرل ق ... مزید

سانحہ احمد پور شرقیہ کا مقدمہ درج کرلیا گیا

26 Jun, 2017 اب تک

سانحہ احمد پور شرقیہ کا مقدمہ درج کرلیا گیابہاولپور: (26 جون 2017) سانحہ احمد پور شرقیہ کا ... مزید

مقبوضہ کشمیر میں عیدالفطر بھارتی فوج کی ناکہ بندی کی نظر ہوگئی

26 Jun, 2017 اب تک

مقبوضہ کشمیر میں عیدالفطر بھارتی فوج کی ناکہ بندی کی نظر ہوگئیسری نگر: (26 جون 2017) مقبوض ... مزید

Load More
Post Your Comments
Select Language:    
MORE ON NEWS
MORE ON HAMARIWEB