کراچی (نیٹ نیوز) اعلیٰ ثانوی تعلیمی بورڈ کراچی کے ناظم امتحانات محمد
عمران خان چشتی نے طلباء کے مفاد کو مدنظر رکھتے ہوئے انرولمنٹ فارمز جمع
کروانے کے خواہشمند اور اہل طلباء کو آخری موقع دیتے ہوئے فارمز جمع کروانے
کی نئی تاریخوں کا اعلان کردیا ہے۔تفصیلات کے مطابق تمام گروپس کے
انٹرمیڈیٹ پارٹ ون 2017ء کے امتحانات میں شرکت کے خواہشمند اور اہل ریگولر
امیدوار اپنے انرولمنٹ فارم یکم دسمبر 2016ء سے 15 دسمبر 2016ء تک پانچ سو
روپے لیٹ فیس کے ساتھ اپنے کالجوں میں جمع کرواسکتے ہیں جبکہ کالجز کو
ہدایت کی گئی ہے کہ جمع کرائے گئے تمام انرولمنٹ فارمز اور پے آرڈر19 دسمبر
اور 20دسمبر 2016ء کو متعلقہ سیکشن سے ضروری تصدیق کے بعد بورڈ آفس کے
اکاؤنٹس سیکشن میں جمع کروادیں، اس کے بعد کسی صورت انرولمنٹ فارم قبول
نہیں کیے جائیں گے۔