کراچی……ثانوی تعلیمی بورڈ کراچی نے علوم شرقیہ کے امتحانی فارمز 2016 جمع
کروانے کا اعلان کر دیا ہے ۔ تفصیلات کے مطابق ناظم امتحانات کے اعلامیہ کے
مطابق امتحانی فارم اور رجسٹریشن فارم ایک ہی ہو گا جو26ستمبر سے 11 نومبر
2016تک بغیر لیٹ فیس کے بورڈ آفس کے کمرہ نمبر 15دوسری منزل بلاک Aسے تصدیق
کروا کر بورڈ آفس سے متصل بینکوں میں جمع کئے جائیں گے۔اس کے بعد 14نومبر
سے 30نومبر 2016 تک 650روپے لیٹ فیس کے ساتھ امتحانی فارم وصول کئے جائیں
گے جبکہ یہ امتحانات دسمبر 2016 کے تیسرے ہفتے میں شیڈول کے مطابق منعقد
ہوں گے۔ یاد رہے کہ ادیب کے امتحان میں شرکت کے لئے امیدوار کی عمر امتحانی
سال کی یکم اکتوبر کو کم ازکم پورے 15سال ہونی چاہئے۔