اعلیٰ ثانوی تعلیمی بورڈ کراچی کے جاری کردہ اعلامیہ کے مطابق انٹرمیڈیٹ کے
سالانہ امتحانات برائے 2016ء کا دوسرا مرحلہ جاری ہے،امتحانات کے دوسرے
مرحلہ میں دوپہر 2بجے سے 5بجے تک آرٹس ریگولر، آرٹس پرائیویٹ، خصوصی
امیدواروں اور ڈپلومہ ان فزیکل ایجوکیشن کے پرچے لیے جارہے ہیں تاہم رمضان
المبارک کی وجہ سے 7، 8 اور 9 جون کو ہونے والے پرچے صبح ساڑھے نو سے ساڑھے
بارہ بجے تک ہوں گے۔تفصیلات کے مطابق 7جون بروز منگل کو آرٹس ریگولر کے
فرسٹ ایئر کے فائن آرٹس، لاجک، ہیلتھ اینڈ فزیکل ایجوکیشن ، کمپیوٹر سائنس
، لائبریری سائنس کے پرچے اور خصوصی امیدواروں کا سیکنڈ ایئر کا آؤٹ لائن
آف ہوم اکنامکس کا پرچہ لیا جائے گا، 8 جون بروز بدھ کو آرٹس ریگولر کے
سیکنڈ ایئر کے فائن آرٹس، لاجک، ہیلتھ اینڈ فزیکل ایجوکیشن، کمپیوٹر سائنس،
لائبریری سائنس کے پرچے اور خصوصی امیدواروں کا اسلامک ایجوکیشن کا پرچہ
ہوگا جبکہ 9جون بروز جمعرات کو آرٹس ریگولر اور پرائیویٹ کے فرسٹ ایئر کے
اردو ایڈوانس، عربک، فارسی، سندھی (Elective)، انگلش (Elective)، میتھمیٹکس
کے پرچے جبکہ خصوصی امیدواروں کا سیکنڈ ایئر کا کمپیوٹر سائنس کا پرچہ
منعقد ہوگا۔