کراچی(نیٹ نیوز) ثانوی تعلیمی بورڈ کراچی
کے قائم مقام ناظم امتحانات ہدایت اللہ انصاری کے مطابق میٹرک سائنس و جنرل
گروپ ریگولر اور پرائیویٹ کے عملی امتحانات سال 2015میں رہ جانے والے طلبہ
وطالبات اپنے امپروومنٹ آف گریڈ ، اضافی پرچے، ایک ساتھ تمام پرچے اور
حیاتیات، فزکس، کمپیوٹر اسٹیڈیز، فوڈ اور نیوٹریشن، ملبوسات، پارچہ بافی،
بریل کے عملی امتحانات 20نومبر سے شروع ہو رہے ہیں۔
تفصیلات کے مطابق طلباء کیلئے حسینی گورنمنٹ بوائز سکینڈری اسکول ناظم
آباد نزد ہمدرد لیبارٹری، گورنمنٹ بوائز سیکنڈری اسکول نمبر 1ناظم آباد
نمبر2پٹرول پمپ، این جے وی گورنمنٹ بوائز ہائر سیکنڈری اسکول سعید منزل ایم
اے جناح روڈ، ملت گورنمنٹ بوائز سیکنڈری اسکول کورنگی نمبر 2جبکہ طالبات
کیلئے کمپری ہینسو گرلز سیکنڈری اسکول بلاک ایم نارتھ ناظم آباد، ایس ایم
بی فاطمہ جناح گورنمنٹ گرلز سیکنڈری اسکول نشتر روڈ، گورنمنٹ گرلز سیکنڈری
اسکول کورنگی نمبر ساڑھے تین مراکز بنائے گئے ہیں۔ تمام امیدواروں سے کہا
گیا ہے کہ متعلقہ مراکز میں اپنے عملی امتحانات میںشامل ہوں۔ امیدواروں کو
عملی امتحانات کا شیڈول ان کے رہائشی پتوں پر بھیج دیئے گئے ہیں نہ ملنے کی
صورت میں بورڈ میں 18نومبر کو کمرہ نمبر 48بلاک بی سیکنڈ فلور میں 9بجے سے
5بجے تک رابطہ کر سکتے ہیں۔