کراچی۔اعلیٰ ثانوی تعلیمی بورڈ کراچی کے ناظم
امتحانات محمد عمران خان چشتی نے اعلان کیا ہے کہ انٹرمیڈیٹ سائنس پری
میڈیکل، پری انجینئرنگ، سائنس جنرل، کامرس اور آرٹس گروپس کے پرائیویٹ
امیدواروں کے ضمنی امتحانات برائے 2015ء کے ایڈمٹ کارڈز ان کی جانب سے دیئے
گئے پتوں پر روانہ کردیئے گئے ہیں،
وہ پرائیویٹ امیدوار جنہوں نے اس دوران اپنی رہائش تبدیل کرلی ہے وہ
اپنے ایڈمٹ کارڈز امتحانی فارم میں درج کیے گئے پتوں سے وصول کرلیں جبکہ
ایسے پرائیویٹ امیدوار جنہیں بروز بدھ 18 نومبر 2015ء تک ایڈمٹ کارڈز وصول
نہیں ہوں وہ بروز جمعرات 19 نومبر 2015ء سے اپنے رجسٹریشن کارڈ، امتحانی
فارم جمع کرانے کی رسید اور میٹرک کی مارکس شیٹ کی فوٹو کاپی کے ساتھ بورڈ
آفس سے اپنے ایڈمٹ کارڈ کی نقل حاصل کرسکتے ہیں۔ محمد عمران خان چشتی نے
کہا کہ ریگولر امیدواروں اور ایکس اسٹوڈنٹس کے کسی اعتراض کی وجہ سے روکے
گئے ایڈمٹ کارڈ یا ایڈمٹ کارڈ کی نقل حاصل کرنے کے لئے دو پاسپورٹ سائز
تصاویر کے ساتھ متعلقہ کالج کے پرنسپل سے تصدیق شدہ درخواست ضروری ہوگی۔