اعلیٰ ثانوی تعلیمی بورڈ کراچی نے
انٹرمیڈیٹ گیارہویں جماعت آرٹس ریگولر، آرٹس پرائیویٹ، ہوم اکنامکس اور
خصوصی امیدواروں کے سالانہ امتحانات برائے 2015ء کے نتائج کا اعلان کردیا
ہے۔یہ اعلان بورڈ کے ناظم امتحانات عمران چشتی نے کیا،
ان کے مطابق خصوصی امیدواروں کے امتحانات میں 98امیدواروں نے رجسٹریشن حاصل
کی جبکہ 96امیدوار شریک ہوئے جس میں سے 92 امیدوار 6 پرچوں میں اور 4
امیدواروں نے پانچ پرچوں میں کامیابی حاصل کی اس طرح کامیابی حاصل کرنے
والوں کا تناسب 95.83 فیصد رہا۔ آرٹس ریگولر کے امتحانات میں 10173
امیدواروں نے رجسٹریشن حاصل کر کے 9943 امیدوار امتحانات میں شریک ہوئے جس
میں سے 3053 امیدوار چھ پرچوں میں، 2820 پانچ پرچوں میں، 1797 چار پرچوں
میں، 1012 تین پرچوں میں، 677 دو پرچوں میں اور 374 ایک پرچے میں کامیاب
قرار پائے۔ آرٹس پرائیویٹ کےامتحانات میں 6518 امیدواروں نے رجسٹریشن حاصل
کی جبکہ 6157 امیدوار امتحانات میں شریک ہوئے جس میں سے 1572 امیدوار چھ
پرچوں میں، 1848 پانچ پرچوں میں، 1119 چار پرچوں میں، 704 تین پرچوں میں،
427 دو پرچوں میں اور 293 امیدوار ایک پرچے میں کامیاب قرار پائے۔ ہوم
اکنامکس کے میں 293 امیدواروں نے رجسٹریشن حاصل کر کے 281 امیدوار شریک
ہوئے جس میں سے 129 سات پرچوں میں، 65 چھ پرچوں میں، 31 پانچ پرچوں میں، 16
چار پرچوںمیں، 21 تین پرچوں میں، 10 دو پرچوں میں اور 6 امیدوار ایک پرچے
میں کامیاب ہوئے۔