ثانوی تعلیمی بورڈکے ناظم امتحانات نعمان احسن کے مطابق طلبہ و طالبات کی سہولت کو مدنظر رکھتے ہوئے بورڈ کے دفاتر ہفتہ5ستمبراور اتوار 6ستمبرکو بھی کھلے رہیں گے۔ انہوں نے بتایا کہ طلبہ و طالبات اپنے سپلیمنٹری امتحانی فارم، انرولمنٹ فارم اور اسکروٹنی فارم سنیچر کے دن بھی دفتری اوقات میں جمع کروا سکتے ہیں۔ انہوں نے مزیدبتایا کہ دیگر امتحانی سیکشن اوربرانچیں بھی امتحانی عمل کو بروقت مکمل کرنے کی غرض سے کھلی رہیں گی۔