اعلیٰ ثانوی تعلیمی بورڈ کراچی کے ناظم امتحانات محمد عمران خان چشتی نے انٹرآرٹس اور کامرس گروپس کے پرائیویٹ امیدواروں کیلئے رجسٹریشن فارمز جمع کرانے کی تاریخوں کا اعلان کردیا ہے۔ تفصیلات بتاتے ہوئے محمد عمران خان چشتی نے کہا کہ انٹرمیڈیٹ کے سالانہ امتحانات برائے 2016ء میں حصہ لینے کے خواہشمندایسے امیدوار جن کے پاس تمام مواقع ختم ہوچکے ہیں اپنے رجسٹریشن فارمز 1750 روپے فیس کے ساتھ یکم ستمبر سے 2 نومبر 2015ء تک متعلقہ سیکشن سے ضروری تصدیق کے بعد بورڈ آفس میں واقع بینک برانچ اور بورڈ کی جانب سے نامزد یو بی ایل کی بینک برانچوں میں جمع کرواسکتے ہیں جو امیدوار مقررہ تاریخ تک اپنے امتحانی فارم جمع نہیں کراسکیں وہ 3 نومبر سے 2 دسمبر تک 200روپے لیٹ فیس کے ساتھ، 3سمبر سے 30 دسمبر 2015ء تک 400 روپے لیٹ فیس کے ساتھ اور یکم جنوری 2016ء سے اگلے احکامات تک 600 روپے لیٹ فیس کے ساتھ جمع کرواسکتے ہیں۔