ثانوی تعلیمی بورڈ کے ناظم امتحانات نعمان احسن نے کہا ہے کہ میٹرک کے ضمنی امتحانات کے لئے سائنس و جنرل گروپ کے ریگولر و پرائیویٹ امیدواروں کے امتحانی فارم ۲۶ اگست سے ۷ ستمبر تک بغیر لیٹ فیس کے وصول کئے جائیں گے یہ فارمز نیشنل بنک آف پاکستان ، حبیب بنک، عسکری کمرشل بنک اور یونائیٹڈ بنک کی بورڈ آفس کی برانچوں میں وصول کئے جائیں گے اُنہوں نے بتایا ان بنکوں کے بورڈ آفس کے بوتھ شیڈول کے مطابق فارم ایک ساتھ وصول کریں گے تاکہ طلبہ کو ان کے جمع کرانے میں کوئی دشواری نہ ہو۔ اُنہوں نے بتایا کے اس مقصد کے لئے ان تمام بنکوں میں امتحانی فارم پہنچادیئے گئے ہیں ۔ اُنہوں نے بتایا کہ اب تک پانچ ہزار سے زیادہ اسکروٹنی کی درخواستوں میں سے چار ہزار کیسز کی جانچ کی جاچکی ہے اور ان کے نتائج سے امیدواروں کو آگاہ کردیا گیا ہے جبکہ باقی کیسز متعلقہ مضامین کے ہیڈ ز اور ڈپٹی ہیڈایگزامینر کی کمیٹی چیک کرنے کے کام میں دن رات مصروف ہے۔ اُنہوں نے بتایا کے میٹرک کے ضمنی امتحانات جلد منعقد کرنے کا پروگرام ہے تاکہ دو پرچوں میں فیل ہونے والے طلبہ اگر پرویژ نل طور پر کالجوں میں داخلہ لے سکیں تو ان کا سال ضائع نہ ہو۔ ناظم امتحانات نعمان احسن نے آئندہ ضمنی امتحانات کے لئے امتحانی مراکز کا انتخا ب سینئر اساتذہ اور ما ہر ین ِتعلیم پر مشتمل کمیٹی ذریعے کرایا جائے گا۔