کراچی ۔ اعلیٰ ثانوی تعلیمی بورڈ کراچی کے ناظم امتحانات محمد عمران خان چشتی نے اعلان کیا ہے کہ انٹرمیڈیٹ کے بروز جمعرات 14 مئی 2015ء کو ملتوی ہونے والے سائنس پری میڈیکل، پری انجینئرنگ، سائنس جنرل، ہوم اکنامکس ،آرٹس ریگولر اور آرٹس پرائیویٹ گروپس کے پرچے بروز جمعرات 21 مئی 2015ء کو منعقد ہوں گے۔ انہوں نے بتایا کہ یہ تمام پرچے پہلے دیئے گئے شیڈول کے مطابق سابقہ امتحانی سینٹرز پر ہی منعقد ہوں گے۔ناظم امتحانات محمد عمران خان چشتی نے مزید بتایا کہ آرٹس ریگولر گروپ کے سالانہ امتحانات برائے 2015ء کے عملی امتحانات 20 مئی 2015ء سے شروع ہورہے ہیں، ان امتحانات میں شرکت کے خواہشمند اور اہل طالب علم ضروری تفصیلات کیلئے اپنے کالجوں سے رابطہ کریں۔