جامعہ کراچی کے سردار یاسین ملک پروفیشنل ڈیولپمنٹ فیسیلٹیز کے زیر اہتمام ’’بچوں کی ابتدائی نگہداشت/ پرورش کے مراحل کے موضوع پرچار روزہ ورکشاپ10 فروری کو منعقد ہو رہا ہے جو 13فروری تک جاری رہے گا۔٭ جامعہ کراچی کے تحت آئوٹ گوئنگ اور سابق طلبہ (صبح وشام پروگرام) کے طلبا وطالبات کیلئے ضمنی امتحان برائے 2014ء کا آغاز 9؍مارچ سے ہو رہا ہے۔ امتحانات میں شرکت کے خواہشمند صبح کے طلبا و طالبات اپنے سمسٹر امتحانی فارم و فیس10سے 18فروری 2015 ء تک 500روپے فی کورس کے اعتبار سے جمع کراسکتے ہیں جبکہ 500روپے لیٹ فیس کیساتھ 19 تا27 فروری تک جمع کراسکتے ہیں۔ شام کے طلبا و طالبات 1000روپے فی کورس کے اعتبار سے 10تا18فروری تک اور 500روپے لیٹ فیس کیساتھ19 تا27 فروری تک اپنے سمسٹر فارم جمع کراسکتے ہیں۔