اعلیٰ ثانوی تعلیمی بورڈ کراچی کے ناظم امتحانات محمد عمران خان چشتی نے انٹرمیڈیٹ گیارہویں جماعت کامرس ریگولر کے اسکروٹنی فارم جمع کرانے کی تاریخوں کا اعلان کردیا ہے۔ محمد عمران خان چشتی کے مطابق انٹرمیڈیٹ گیارہویں جماعت کامرس ریگولر کے سالانہ امتحانات برائے 2014 ء کے اسکروٹنی فارم متعلقہ سیکشن سے ضروری تصدیق کے بعد بروز بدھ 26 نومبر سے بروز بدھ 24 دسمبر تک انٹربورڈ میں واقع بینک برانچ میں جمع کرائے جاسکتے ہیں۔