جامعہ کراچی کے ناظم امتحانات پروفیسر ڈاکٹر ارشد اعظمی کے اعلامیہ کے مطابق ایم بی بی ایس سیکنڈ اور تھرڈ پروفیشنل کے ضمنی امتحانات برائے 2014 ء باالترتیب 26 اور 27 نومبر سے شروع ہونگے۔تمام امتحانات نیوکلاس رومز نزد ڈپارٹمنٹ آف فزیالوجی فیکلٹی آف سائنس میں دوپہردو تا شام پانچ بجے جبکہ جمعہ کو دوپہر ڈھائی تا شام ساڑھے پانچ بجے منعقد ہونگے۔٭جامعہ کراچی کے دفتر برائے تحقیق اختراع اور کمرشلائزیشن اور گیٹس فارمکے مابین اشتراک کے مفاہمتی یاداشت پر دستخط ہوئے جس کے تحت گیٹس فارما جامعہ کراچی کے طلبہ کے لئے عملی تعاون اور تحقیق کے ساتھ عملی طور پر انڈسٹری میں ادویہ کی مرحلہ واری تیاری کی تکمیل میں پریکٹیکل جاب انجام دے سکیں گے۔٭جامعہ کراچی کے شیخ زید اسلامک سینٹر کے ڈائریکٹر پروفیسر ڈاکٹر نوراحمد شاہتاز کے مطابق ایڈمیشن سے متعلق معلوماتی سیمینار جو کہ 20 نو مبر 2014 ء کوہونا تھا ،بعض ناگزیر وجوہ کی بناء پر ملتوی کردیا گیا ہے۔اب یہ سیمیناراتوار 30 نومبر 2014 ء کو صبح گیارہ بجے منعقد ہوگا۔