جامعہ کراچی کے ناظم امتحانات پروفیسر ڈاکٹر ارشد اعظمی کے اعلامیے کے مطابق بی اے،بی کام ،پرائیوٹ،بی اوایل اور امپرومنٹ آف ڈویژن کے سالانہ امتحانی فارم جمع کرانے کی تاریخ میں بغیر لیٹ فیس کے دس یوم کی توسیع کردی گئی ہے۔بی اے کے امتحانی فارم 3075 روپے فیس برائے سال اول/ دوئم اور کمبائنڈ کے لئے5500 روپے کے ساتھ جبکہ بی کام کے امتحانی فارم 3900 روپے فیس برائے سال اول/ دوئم اور کمبائنڈ کے لئے6900روپے فیس کے ساتھ13 تا22نومبر2014ء تک بینک کائونٹرز واقع سلورجوبلی گیٹ جامعہ کراچی پر جمع کراسکتے ہیں۔ایسے طلبہ جو 2000 یا اس سے قبل کی رجسٹریشن کے حامل ہیں وہ سالانہ امتحان 2014 ء میں شرکت کے اہل نہیں ہونگے۔