کنٹرولر امتحانات جامعہ سندھ جامشورو نے یونیورسٹی سے منسلک لا کالجز کے ایل ایل بی حصہ سوم سالانہ امتحانات 2013 کے نتائج کا اعلان کردیا ہے۔ اس ضمن میں جاری کردہ اعلامیہ کے مطابق امتحان میں شرکت کے لیے 1576 امیدواروں نے فارم جمع کرائے جن میں سے 8 غیر حاضر رہے تاہم 530 امیدواروں کو فرسٹ کلاس اور 809 امیدواروں کو سیکنڈ کلاس میں کامیاب قرار دیا گیا۔ امتحان میں 132 امیدوار فیل اور 57 امیدواروں کے نتائج مختلف اسباب کے باعث روک دیا گیا ہے۔