بے نظیرشہیدیونیورسٹی لیاری میں چھٹیوں کے خاتمہ کے بعد 8 ستمبر 2014سے تمام شعبہ جات کی باقاعدہ کلاسز کا آغاز ہوجائے گا۔ یونیورسٹی کے ڈین آف فیکلٹی عبدالحسین شاہ بخاری کی صدارت میں تمام شعبہ جات کے سربراہان کااجلاس منعقدہوا جس میں فیصلہ کیا گیا کہ تمام شعبہ جات میں پڑھائے جانے والے مضامین کے ٹائم ٹیبل کو نوٹس بورڈ پرآویزاں کیا جائے تاکہ طلبہ وطالبات کو کسی قسم کی دشواری کا سامنا نہ کرنا پڑے۔ جبکہ طلبا وطالبات کی سہولت کے لیے پوائنٹ کی بسیں بھی شیڈول کے مطابق چلیں گی اور تمام طلباوطالبات باقاعدگی کے ساتھ اپنی کلاسز اٹینڈ کریں۔