اعلیٰ ثانوی تعلیمی بورڈ کراچی کے ناظم امتحانات محمد عمران خان چشتی کے مطابق انٹرمیڈیٹ بارہویں جماعت سائنس پری میڈیکل ، میڈیکل ٹیکنالوجی اور ہوم اکنامکس گروپس کے سالانہ امتحانات برائے 2014ء کی مارکس شیٹس کالجوں کو روانہ کردی گئی ہیں۔ طلباء اپنے کالجوں سے مارکس شیٹس حاصل کرسکتے ہیں۔ محمد عمران خان چشتی نے مزید بتایا کہ سائنس پری میڈیکل، میڈیکل ٹیکنالوجی اور ہوم اکنامکس کے اسکروٹنی فارم متعلقہ سیکشن سے ضروری تصدیق کے بعد پیر 25 اگست 2014ء سے بروز بدھ 24 ستمبر 2014ء تک انٹربورڈ میں واقع بینک برانچ میں جمع کرائے جاسکتے ہیں۔ تاریخ گزرنے کے بعد اسکروٹنی فارم قابل قبول نہیں ہوں گے۔