علامہ اقبال اوپن یونیورسٹی کے سمسٹر خزاں 2013ء میں پیش کئے گئے ایف ایس سی پروگرام کے پریکٹیکل امتحانات 26 جون سے شروع ہوں گے۔ گورنمنٹ کالج آف سائنس وحدت روڈ لاہور، گورنمنٹ اسلامیہ کالج سرگودھا روڈ فیصل آباد اور اسلام آباد میں اوپن یونیورسٹی کے مین کیمپس بلاک نمبر 4 میں یونیورسٹی لیب ایف ایس سی کے پریکٹیکل امتحانات کے لئے سینٹرز مقرر کردئیے گئے ہیں۔ یہ اعلان اوپن یونیورسٹی کے کنٹرولر امتحانات ڈاکٹر حامد خان نیازی نے کیا ہے۔ کنٹرولر امتحانات کے مطابق ایف ایس سی پروگرام کے پریکٹیکل امتحانات جو 26 جون سے شروع ہونگے 11 جولائی تک جاری رہیں گے۔