جامعہ کراچی کے ناظم امتحانات پروفیسر ڈاکٹر ارشد اعظمی نے بی اے سال دوم اور(سال اول و دوم باہم) ریگولر سالانہ امتحانات برائے 2013 ء کے نتائج کا اعلان کردیا ۔ نتائج کے مطابق امتحان میںپہلی پوزیشن بی اے ایم ایم پی ای سی ایچ ایس گورنمنٹ کالج فارویمن کی انعم فاطمہ بنت ناصر مہدی نے 782 نمبر لے کر ، دوسری سرسید گورنمنٹ گرلز کالج کی فضا رضوی بنت سید اقبال علی نے 774 نمبرلے کر اور تیسری ڈی ایچ اے ڈگری کالج فارویمن کی نِدازہرہ عباس بنت رفعت عباس نے 771 نمبر کے ساتھ حاصل کی۔امتحان میں 8481 طلبہ شریک ہوئے،جس میں 749 طلبہ فرسٹ ڈویژن میں،2631 طلبہ سیکنڈ ڈویژن میں جبکہ 14 طلبہ کو تھرڈ ڈویژن میں کامیاب قرار دیا گیا۔کامیاب طلبہ کا تناسب40.02 فیصد رہا۔