فیڈرل بورڈ آف ریونیو (ایف بی آر) نومبر میں ٹیکس وصولی کے ہدف میں ناکام رہا۔ حکام کے مطابق نومبر کے لیے ایک ہزار 34 ارب روپے کا ہدف مقرر کیا گیا تھا، لیکن صرف 878 ارب روپے وصول ہو سکے، جس کے باعث 156 ارب روپے کا شارٹ فال ریکارڈ ہوا۔
ذرائع نے بتایا کہ شارٹ فال میں روزانہ تقریباً 5 ارب روپے کی کمی متوقع ہے۔ دسمبر کے لیے ٹیکس وصولی کا ہدف ایک ہزار 406 ارب روپے رکھا گیا ہے۔
رواں مالی سال کے پہلے پانچ ماہ کے دوران ٹیکس وصولی کا مجموعی ہدف 5 ہزار 83 ارب روپے تھا، جبکہ ایف بی آر نے صرف 4 ہزار 715 ارب روپے وصول کیے، جس کے نتیجے میں مجموعی طور پر 413 ارب روپے کا شارٹ فال سامنے آیا ہے۔