نیشنل جیوگرافک٬ سال 2017 کی شاندار اور دلچسپ تصاویر

مختلف خوبصورت اور پرکشش قدرتی مناظر کو کیمرے کی آنکھ سے دیکھنا ہمیشہ سے ہی ایک منفرد تجربہ رہا ہے کیونکہ بعض اوقات انسانی آنکھ قدرتی مناظر میں چھپے ان دلچسپ پہلوؤں کو دیکھنے سے قاصر رہتی ہے جنہیں ایک شاندار تصویر اجاگر کر دیتی ہے- نیشنل جیو گرافک کی جانب سے ہر سال کی مانند اس سال بھی نیچر فوٹوگرافر آف دی ائیر کے مقابلے کا انعقاد کیا ہے- اس مقابلے میں شرکت کے لیے قدرتی مناظر کے حوالے سے مختلف شعبوں کے لیے تصاویر بھی جاسکتی ہیں- ان شعبوں میں سرزمین٬ ماحولیات اور جانوروں کی تصاویر شامل ہیں- تصاویر ارسال کرنے کی آخری تاریخ 12 نومبر 2017 مقرر کی گئی- تاہم اب تک اس مقابلے میں شرکت کے لیے دنیا بھر سے بڑی تعداد میں مختلف قدرتی مناظر٬ جانوروں اور ماحولیات پر مبنی انتہائی شاندار اور دلچسپ تصاویر بھیجی گئی ہیں جنہیں نیشنل جیو گرافک کی جانب سے شائع بھی کیا گیا ہے- مقابلے میں شریک چند شاندار تصاویر مختصر تفصیل کے ساتھ ہم یہاں اپنے قارئین کی خدمت میں پیش کر رہے ہیں-

یہ خوبصورت تالاب شمالی ناروے کے Lofoten جزائر پر واقع ہے اور اس کی یہ تصویر Felix Inden نے کھینچی ہے- تالاب میں موجود سفید ریت اسے مزید پرکشش بناتی ہے-

مادہ ریچھ اور اس کے 3 ماہ کی عمر کے بچے کی یہ تصویر Anat Gutman نے کھینچی ہے- فوٹوگرافر کا کہنا ان دونوں جانوروں کا اس طرح سے گزرنا ایک شاندار منظر تھا-

Cameron McFarlane نے دیوقامت cuttlefish کی یہ شاندار تصویر جنوبی آسٹریلیا کے Whyalla کے ٹھنڈے پانیوں میں کھینچی یہاں ہزاروں کی تعداد میں cuttlefish پائی جاتی ہیں-

Csaba DarÛczi صبح کے وقت اپنے گھر کی طرف رواں دواں تھے کہ انہیں ایک جگہ بڑی تعداد میں موجود ہنس دکھائی دیے- انہوں نے اس دلچسپ منظر کو ڈرون کیمرے کی مدد سے ہمیشہ کے لیے قید کر لیا-

پرکشش مقام پر موجود یہ ریلوے ٹریک جاپان کے دو شہروں Niigata اور Fukushima کو آپس میں منسلک کرتا ہے- اس خوبصورت لیکن کسی حد تک خطرناک ریلوے ٹریک پر سے گزرتی اس ٹرین کی یہ تصویر Teruo Araya نے کھینچی ہے-

جاپان کے Jigokudani snow monkey park میں ایک چھوٹا بندر سر کے مساج سے لطف اندوز ہورہا ہے اور آنکھیں بند کیے پرسکون انداز میں لیٹا ہوا ہے- اس قیمتی لمحے کی یہ تصویر Lance McMillan نامی فوٹوگرافر نے کھینچی ہے-

بل کھاتے سانپ کی مانند دکھائی دینے والی یہ منفرد شاہراہ رومانیہ میں واقع ہے اور اس سڑک کی یہ دلچسپ تصویر Calin Stan نامی فوٹوگرافر نے کھینچی ہے-

مینڈک قریب انتہائی قریب سے یہ تصویر بھارتی ریاست Karnataka کے جنگلات میں کھینچی گئی ہے- نیلی آنکھوں والے اس مینڈک کی یہ شاندار تصویر Angad Achappa نے کھینچی ہے-

یہ کینیڈا کے مقبول ترین پہاڑ ہیں جنہیں دنیا Mackenzie کے نام سے جانتی ہے- اور خوبصورت پہاڑوں کی یہ شاندار تصویر Alain Boudreau نامی فوٹوگرافر نے کھینچی ہے-