آنکھوں سے آنسوؤں کا نکلنا تو ایک عام سی بات ہے٬ اس کے
علاوہ آپ نے آنکھوں سے خون آنے یا پھر شیشے نکلنے کے بارے میں بھی سن رکھا
ہوگا لیکن بھارت کی ایک 11 سالہ بچی کی آنکھوں سے ایسے چھوٹے چھوٹے سفید
رنگ کے پتھر نکل رہے ہیں جو کپاس کی مانند دکھائی دیتے ہیں-
|
|
چھٹی کلاس کی طالبہ مناسی کا تعلق بھارت کے گاؤں Pachkhura سے ہے اور گزشتہ
دو ہفتوں سے اس بچی کی آنکھوں سے روزانہ 35 سے 40 چھوٹے سائز کے سفید پتھر
نکلتے ہیں-
چونکہ بھارت میں توہم پرستی اور جہالت عام ہے اس لیے مناسی کے والد اور
دیگر گاؤں والوں کا اس بات پر پختہ یقین قائم ہوگیا ہے کہ کسی طبی مسئلے کے
بجائے اس بچی پر جنوں نے قبضہ کر رکھا ہے اسی لیے آنکھوں سے پتھر نکلنے کے
واقعات رونما ہو رہے ہیں- یہی وجہ ہے کہ کے گاؤں والے مناسی اور اس کے
خاندان سے دور رہنے لگے ہیں اور خوفزدہ ہیں-
مناسی کے والد Gendlal Kevat کے مطابق گاؤں مقامی ڈاکٹر نے چیک اپ کے بعد
ہمیں کسی آنکھوں کے ڈاکٹر کو دکھانے کا مشورہ دیا- اور اب تک متعدد
اسپیشلسٹ مناسی کا معائنہ کرچکے ہیں-
|
|
ڈاکٹر نونیت سکسینا کا کہنا ہے کہ آنکھوں سے پتھروں کا نکلنا کسی الرجی کے
باعث بھی ہوسکتا ہے جبکہ ڈاکٹر پون سیتک کہتے ہیں کہ ایسا وٹامن ڈی کی کمی
کی وجہ سے بھی ممکن ہے کیونکہ غذائیت کی کمی بھی ایسے واقعات کو جنم دیتی
ہے-
اگرچہ اب تک آنکھوں سے پتھروں کے نکلنے کی کئی وجوہات بیان کی جاچکی ہیں
لیکن کوئی بھی معالج مناسی کا علاج کرنے میں کامیاب نہیں ہوسکا- |