چند غذائیں آپ سے تمام بیماریاں دور بھگا سکتی ہیں

آج انسان تیزی سے مختلف اقسام کی بیماریوں کا شکار بن رہا ہے اور اس کی سب سے اہم وجہ ہمارا ان غذاؤں پر توجہ نہ دینا ہے جو ہمیں ان بیماریوں سے محفوظ بنا سکتی ہیں- جب ہماری غذا درست ہوگی تو یقیناً ہم صحت مند بھی رہیں گے- اگر انسان کا مدافعتی نظام صحت مند اور مضبوط ہو تو کوئی بھی بیماری اس پر آسانی سے حملہ آور نہیں ہوسکتی- اگر ہمارا مدافعتی نظام مضوط نہیں ہوگا تو معولی سا نزلہ زکام بھی ہمارے لیے انتہائی نقصان دہ ثابت ہوگا- اور یہ طاقتور مدافعتی نظام ہمیں چند غذاؤں کے انتخاب سے باآسانی حاصل ہوسکتا ہے- آئیے ہم آپ کو بتاتے ہیں کہ کونسی ایسی غذائیں ہیں جنہیں استعمال کر کے ہم کئی بیماریوں سے بچ سکتے ہیں اور ایک صحت مند زندگی گزار سکتے ہیں-


شملہ مرچ
وٹامن سی کے حصول کے لیے یہ مخصوص مرچ بھی بہترین ہے کیونکہ اس میں بھی وٹامن سی کی تقریباً اتنی ہی مقدار پائی جاتی ہے جتنی کہ ترش پھلوں میں- اس مرچ میں وٹامن سی کے علاوہ ایسے کئی اہم معدنیات بھی پائے جاتے ہیں جو ہمارے دیگر جسمانی اعضاﺀ کی صحت کی بہتری کے حوالے سے بھی مددگار ثابت ہوتے ہیں- اس میں پایا جانے والا کیروٹین آپ کی آنکھوں اور جلد کو صحت مند بناتا ہے-

image


لہسن
لہسن ایسی غذا ہے جو ہمارے ہاں کھانوں میں بے انتہا استعمال کی جاتی ہے- لہسن کے انسانی صحت پر بہت زیادہ اثرات مرتب ہوتے ہیں- لہسن ہمارے جسم کو نقصان پہنچانے والے جراثیموں اور انفیکشن کے خلاف انتہائی اہم کردار ادا کرتا ہے- یہ ہمارے مدافعتی نظام کو اس حد تک مضبوط بنا دیتا ہے کہ جراثیموں کو حملہ آور ہونے میں مزاحمت کا سامنا کرنا پڑتا ہے- اس کے علاوہ لہسن بلڈ پریشر کو بھی کنٹرول میں رکھتا ہے-

image


ادرک
ادرک بھی متعدد طبی خواص کی حامل غذا ہے اور یہ جسم کی سوزش کو کم کرنے میں اہم کردار ادا کرتا ہے- ادرک گلے کی اور دیگر اقسام کی بیماریوں کے خلاف مزاحمت میں مددگار ثابت ہوتا ہے- ادرک جسمانی درد میں بھی کمی لانے کا باعث بنتا ہے اور ساتھ ہی کولیسٹرول کی سطح کو بھی کم کرتا ہے- غرض یہ کہ ادرک کو اپنی غذا کا لازمی حصہ بنائیے-

image


پالک
پالک میں بھی وٹامن سی کی بھاری مقدار پائی جاتی ہے اور اس کے علاوہ اس سبزی میں بیٹا کروٹین اینٹی اوکسیڈنٹ بھی موجود ہوتے ہیں- پالک میں پائے جانے والے یہ معدنیات نہ صرف آپ معدافتی نظام کو مضبوط بناتے ہیں بلکہ مختلف انفیکشن کو لاحق ہونے سے بھی روکتے ہیں- پالک پکنے کے بعد جسم پر بڑے پیمانے پر اپنے مثبت اثرات مرتب کرتی ہے-

image


تُرش پھل
جب بھی سردی یا نزلہ زکام کی شکایت ہو تو آپ کو ترش پھلوں کا استعمال زیادہ سے زیادہ کرنا چاہیے جن میں وٹامن سی پایا جاتا ہے- درحقیقت وٹامن سی ہمارے مدافعتی نظام کو مضبوط بناتا ہے- یہ وٹامن خون میں موجود سفید خلیوں کی تعداد کو بڑھانے میں اہم کردار ادا کرتا ہے- لیموں٬ نارنجی اور چکوترے میں وٹامن سی کی بھاری مقدار پائی جاتی ہے- جب آپ کا مدافعتی نظام طاقتور ہوگا تو کوئی بھی بیماری آسانی سے آپ کو اپنا شکار نہیں بنا سکے گی-

image

Disclaimer: All material on this website is provided for your information only and may not be construed as medical advice or instruction. No action or inaction should be taken based solely on the contents of this information; instead, readers should consult appropriate health professionals on any matter relating to their health and well-being. The data information and opinions expressed here are believed to be accurate, which is gathered from different sources but might have some errors. Hamariweb.com is not responsible for errors or omissions. Doctors and Hospital officials are not necessarily required to respond or go through this page.

YOU MAY ALSO LIKE:

Keeping our immune system healthy is beneficial for us in many ways. If our immune system is healthy, it is easier for it to defend the body against the germs and bacteria that enter our body. If our immune system is week then the normal flue can also have a negative impact on our body and this can be harmful for us.