ہر انسان کا اپنی زندگی میں ہر قسم کے لمحات سے واسطہ
پڑتا ہے جن میں کچھ اچھے ہوتے ہیں تو کچھ برے- یہ انسان کی فطرت ہے کہ وہ
روزمرہ کی زندگی میں آنے والے ہلکی نوعیت کے پریشان کن لمحات میں بھی خود
کو بدقسمت تصور کرنے لگتا ہے جبکہ یہ چھوٹی چھوٹی پریشانیاں زندگی کا حصہ
ہوتی ہیں- ہم یہاں روزمرہ کی زندگی میں آنے والے چند ایسے بدقسمت لمحات کی
مضحکہ خیز تصاویر پیش کر رہے ہیں جن سے کچھ محتاط رویہ اختیار کر کے بچا
بھی جاسکتا ہے-
|
|
وہ لمحہ آپ کے لیے انتہائی بدترین ثابت ہوتا ہے جب آپ کرسی سے کھڑے ہوتے ہی
اچانک گر پڑتے ہیں کیونکہ آپ کے جوتے کا تسمہ یا فیتہ کرسی کے ٹائر میں
پھنس جاتا ہے-
|
|
یقیناً اس لمحے بھی آپ کے لیے پریشانی بڑھ جاتی ہے جب مہمانوں کے سامنے پیش
کیا جانے والا کیک اچانک آپ کے ہاتھوں سے چھوٹ کر زمین پر آگرتا ہے-
|
|
اس وقت کیا کیا جائے جب گاڑی کی پچھلی سیٹ پر رکھا پینٹ کا ڈبہ کھل کر سیٹ
پر الٹ جائے؟ بہتر تو یہی ہے اب اس سیٹ کو ہی رنگ لیں-
|
|
اس وقت آپ خود کو انتہائی بدقسمت تصور کر رہے ہوتے ہیں جب کوئی آپ کے جان
سے پیارے اسمارٹ فون یا ٹیبلٹ کو پانی سے نہلا جاتا ہے-
|
|
اس لمحے بھی آپ شدید دباؤ کا شکار نظر آتے ہیں اور خود کو برا بھلا کہہ رہے
ہوتے ہیں جب گھر سے نکلتے ہوئے جلد بازی میں گھر کی چابیاں اندر ہی چھوڑ کر
باہر سے دروازہ لاک کر بیٹھتے ہیں-
|
|
سوچیے آپ کہیں جانے کے لیے تیار ہو کر گھر سے نکلیں اور پاس سے گزرتی تیز
رفتار گاڑی آپ پر کیچڑ اڑاتی ہوئی گزر جائے تو آپ کا کیا حشر ہوگا؟ جی ہاں
ایسے بدقسمت لمحات کا سامنا اکثر لوگوں کو کرنا پڑتا ہے-
|
|
یہ تو دوہری بدقسمتی کی علامت ہے کہ ایک تو پینٹ بھی گندی ہوئی اور دوسری
آئسکریم بھی گئی-
|
|
ایسا تو کسی دشمن کے ساتھ بھی نہ ہو کہ انسان کسی مقام تک سیڑھی لگا کر
پہنچنے اور پہنچنے کے بعد سیڑھی ہی گر جائے٬ یقیناً آپ اترنے کے لیے کسی کا
انتظار کرنا ہوگا-
|
|
کبھی کبھی خود آپ کی چھوٹی سی لاپرواہی آپ کو بڑی پریشانی میں مبتلا کردیتی
ہے٬ پینٹ کو گاڑی میں رکھتے ہوئے اس کے ڈبوں کے ڈھکن ہمیشہ مضبوطی سے بند
کریں-
|