فیصل مسجد کی “ رُلا “ دینے والی تصاویر٬ سوچنے کا مقام

فیصل مسجد کا شمار پاکستان کے سب سے خوبصورت ترین سیاحتی مقامات میں ہوتا ہے- یہ مسجد پاکستان کے دارالحکومت اسلام آباد میں واقع ہے اور سے دیکھنے دور دور سے لوگ آتے ہیں- تاہم پاکستانی عوام اپنے اس ثقافتی ورثے کی حفاظت کے حوالے سے لاپرواہ دکھائی دیتے ہیں-
 

جی ہاں ہم اکثر کراچی کے ساحلِ سمندر کی ایسی تصاویر تو دیکھتے ہی ہیں جن میں ساحل پر بےپناہ کچرا پھیلا دکھائی دیتا ہے جو کہ سمندر کی تباہی سبب بن رہا ہوتا ہے جبکہ کچرا کسی اور نے نہیں بلکہ خود پاکستانی عوام کا ہی کارنامہ ہے- لیکن اب ایسی ہی تباہی کے مناظر فیصل مسجد کے حوالے سے بھی دیکھنے میں آرہے ہیں-
 

محمد اوقیس نامی صارف کی جانب سے فیصل مسجد کے احاطے کی شئیر کردہ چند تصاویر میں واضح دیکھا جاسکتا ہے کہ وہاں کس حد تک کچرا پھیلا ہوا جو مسجد کی خوبصورتی کو تباہ کر رہا ہے- ان تصاویر سے ظاہر ہوتا ہے کہ اس مقبول ترین سیاحتی مقام کی صفائی کے بھی انتظامات درست نہیں ہیں-
 

فیصل مسجد کے اردگرد پائی جانے والی اس آلودگی کا الزام اکثر بین الاقوامی سیاحوں پر عائد کردیا جاتا ہے لیکن حقیقت میں یہ کچرا اور گند یہاں آنے والے خود پاکستانی عوام ہی کا پھیلا ہوا ہے- اس کے علاوہ مقامی حکام کی جانب سے اس مسئلے پر کوئی خاص توجہ نہیں دی جارہی اور نہ ہی یہاں آنے والے افراد ک ماحول کو صاف رکھنے سے متعلق خبردار کیا جاتا ہے-
 

ضرورت اس بات کی ہے کہ ہم خود انفرادی طور پر اس مسئلے کی جانب توجہ دیں اور ایسے عمل اختیار سے گریز کریں جو اس سیاحتی مقام کی کشش اور خوبصورتی کو تباہ کرنے کا سبب بن سکتے ہیں-