دنیا پراسرار طور پر غائب ہونے والے افراد کے واقعات سے بھری پڑی ہے اور ان
میں سے بیشتر افراد کی گمشدگی کئی دہائیاں گزرنے کے باوجود بھی ایک معمہ
بنی ہوئی ہے- تاہم 75 سال قبل اچانک غائب ہو جانے والے ایک جوڑے کے راز سے
گزشتہ روز پردہ اٹھ گیا-
|
|
|
|
جی ہاں 15 اگست 1942 کو Marcelin اور ان کی اہلیہ Francine Dumoulin اچانک
اس وقت غائب ہوگئے تھے جب وہ اپنی گائے کو سوئس گلیشیر پر چارہ ڈالنے اور
اس دودھ حاصل کرنے گئے تھے-
75 سال بعد اس جوڑے کی لاشیں اسی گلیشیر میں سے دریافت ہوئی ہیں جو کہ
انتہائی محفوظ حالت میں ہیں- یہ لاشیں گلیشیر کے پگھلنے کے باعث اچانک دنیا
کے سامنے آگئیں-
سوئٹزر لینڈ کے Chandolin نامی گاؤں کے اس رہائشی جوڑے کے 7 بچے بھی تھے جو
کہ مسلسل اپنے والدین کو تلاش کرتے رہے- والدین کے نا ملنے کی صورت میں
تمام بچے مختلف رشتے داروں نے آپس میں بانٹ لیے-
والدین کی لاشیں دریافت ہونے پر ان بچوں جو کہ اب خود عمر رسیدہ ہوچکے ہیں
کا کہنا ہے کہ “ آج ہمیں سکون مل گیا کیونکہ اب کم سے کم ہم اپنے والدین کی
آخری رسومات تو ادا کر سکتے ہیں“-
|
|
|
“ ہماری والدہ اس روز پہلی بار گلیشیر کے اوپر گئی تھیں جبکہ اس سے قبل
والد اکیلے ہی جایا کرتے تھے“-
ماہرین کا خیال ہے کہ یہ دونوں میاں بیوی Tsanfleuron نامی اس گلیشیر کے
نرم حصے کے ٹوٹنے کے باعث اس کے اندر جاگرے اور وہاں کئی دہائیوں تک ان کی
لاشیں محفوظ رہیں جو کہ گلیشیر کے پگھلنے کے باعث آج ہمارے سامنے موجود ہیں- |