اور بس یہ آخری کھانا تھا ان مشہور شخصیات کا۔۔

 

ویسے تو ہم دن میں کئی بار کھانا کھاتے ہیں مگر کیا آپ نے کبھی سوچا ہے کہ اگر زندگی ختم ہونے والی ہو تو ہم آخری بار کیا کھانا پسند کریں گے یا وہ کونسا کھانا ہوگا جو اس دنیا میں ہمارا آخری کھانا ثابت ہوگا؟ یقیناً اس سوال پر آپ چکرا گئے ہوں گے کیونکہ کسی بھی شخص کو اپنی موت کے وقت کا درست علم نہیں ہوتا- تاہم ہم آپ کو آج دنیا کی چند مشہور شخصیات کی موت سے قبل ان کے آخری کھانوں سے متعلق بتائیں گے-


سقراط
مشہور فلاسفر سقراط کو ایتھنز کی عدالت نے سزائے موت سنائی تھی اور اس سزا پر عملدرآمد مجرم کو زہر پلا کر ہوتا تھا- اور سقراط کو بھی hemlock زہر سے بھرا پیالہ پلایا گیا جو اس کی آخری غذا بھی بن گیا-


نپولین بونا پارٹ
5 مئی 1821 کو سینٹ ہیلینا کے جزیرے پر جلاوطنی کی زندگی گزارتے ہوئے فرانس کے آخری شہنشاہ نپولین بونا پارٹ نے اپنی آخری سانس سے قبل چند ڈشز کھا رکھی تھیں- ان ڈشز میں بیکن چوپز٬ روسٹ ٹماٹر٬ ٹماٹر وہ بھی کریم کے ساتھ اور ٹوسٹ شامل تھے-


ابراہم لنکن
امریکی صدر ابراہم لنکن کی موت 15 اپریل 1865 کو واقع ہوئی- موت سے قبل امریکی صدر کی آخری غذاؤں میں mock turtle soup, roast Virginia fowl with chestnut stuffing, baked yams اور گوبھی شامل تھی-


جنرل کاستر
جنرل کاستر کی ہلاکت کا واقعہ 25 جون 1876 کو رونما ہوا- جنرل کاستر کی آخری خوراک میں جو غذائیں شامل تھیں وہ پھلیاں٬ buffalo steaks اور جنگلی مکئی تھی-


ایڈولف ہٹلر
ایڈولف ہٹلر کی موت 30 اپریل 1945 کو واقع ہوئی- موت سے قبل ہٹلر نے برلن میں واقع اپنے بنکر میں اپنا آخری کھانا کھایا تھا- یہ کھانا انتہائی سادہ تھا کیونکہ اس میں صرف اسپیگیٹی شامل تھی وہ ہلکی چٹنی کے ساتھ جبکہ اس میں گوشت بھی شامل نہیں کیا گیا تھا-


مہاتما گاندھی
گاندھی کو 30 جنوری 1948 کی شام کو ایک قاتلانہ حملے میں ہلاک کیا گیا تھا- ان کا آخری کھانا صحت بخش غذاؤں پر مشتمل تھا جس میں گائے کا دودھ٬ سبزیاں٬ لیموں٬ نارنجی اور مکھن شامل تھے-


جان ایف کینیڈی
امریکہ کے صدر جان ایف کینیڈی کی ہلاکت بھی ایک قاتلانہ حملے کے نتیجے میں 22 نومبر 1963 کو ہوئی- جان ایف کینیڈی نے موت سے قبل صرف ناشتہ کر رکھا تھا- ہوٹل کے شیف کے مطابق اس ناشتے میں کافی٬ اورنج جوس٬ دو ابلے انڈے٬ کچھ ٹوسٹ اور مارملیڈ شامل تھی-


صدام حسین
سابق عراقی صدر صدام حسین کو 30 دسمبر 2006 کو تختہ دار پر لٹکایا گیا- رپورٹ کے مطابق ان کے آخری کھانوں میں ابلی ہوئی چکن٬ چاول اور گرم پانی میں شامل شہد کا شمار کیا جاتا ہے- انہیں سگریٹ کی پیشکش بھی گئی تھی لیکن انہوں نے انکار کردیا-


مائیکل جیکسن
پاپ میوزک کے بادشاہ مائیکل جیکسن کی موت 25 جون 2009 کو واقع ہوئی- اور مرنے سے قبل اس مشہور شخصیت کا آخری کھانا پالک سلاد اور چکن تھے-


لیڈی ڈیانا
لیڈی ڈیانا کی موت 31 اگست 1997 کو ایک خوفناک کار حادثے کے نتیجے میں واقع ہوئی- ڈیانا کی آخری غذاؤں میں ویجیٹیبل ٹمپورا٬ مشروم اور آملیٹ شامل تھے جو کہ ایک ریسٹورنٹ پر کھائے گئے تھے-

Email
Rate it:
Share Comments Post Comments
17 Jul, 2017 Total Views: 5990 Print Article Print
NEXT 
Reviews & Comments
diyana death on 1997......................................................
By: kamran mardan, mardan on Jul, 17 2017
Reply Reply
0 Like
Post your Comments Language:    
Type your Comments / Review in the space below.
There is something fascinating about last meals. Eating is something we do multiple times on a daily basis; it is what gives us life. Surround yourself with chefs, cooks, and culinarily inclined guests at a dinner party, and you may very well be presented with a particular question: “What would you want for your last meal on earth?”
MORE ON ARTICLES
MORE ON HAMARIWEB