|
مکشپوری ایک ایسا بلند ترین اور دلچسپ پہاڑ ہے جو کہ
پاکستان کے صوبہ خیبرپختونخواہ کے ضلع ایبٹ آباد میں پائی جانے والی نتھیا
گلی کی پہاڑیوں میں واقع ہے- اسے مکشپوری ٹاپ کہا جاتا ہے اور یہ 2800 میٹر
بلند پہاڑ ہے- آپ مری جائیں لیکن اس مکشپوری ٹاپ کی سیر کو نہ جائیں تو
سمجھیں آپ کا یہ سیاحتی سفر نامکمل ہے- بنیادی طور پر سیاح یہاں تک پہنچنے
کے لیے اسلام آباد کے راستے سے آتے ہیں کیونکہ یہ اسلام آباد کے شمال میں
90 کلومیٹر کے فاصلے پر نتھیا گلی کے علاقے میں ڈونگا گلی کے اوپر واقع ہے-
مکشپوری ٹاپ کی خوبصورتی اور سحر انگیزی دیکھتے ہوئے اگر اسے پریوں کا دیس
کہا جائے تو بھی کچھ غلط نہ ہوگا-
|
|
|
مکشپوری ٹاپ ایک ایسا پہاڑ ہے جو جنگلات سے گھرا ہوا ہے اور ان جنگلات میں
کئی اقسام کے قیمتی درخت موجود ہیں جن میں شکر کے درخت٬ شاہ بلوط اور صنوبر
کے درخت شامل ہیں-
|
|
|
اس خوبصورت سیاحتی مقام پر بھی ہریالی پائی جاتی ہے جبکہ یہاں بڑی تعداد
میں مویشی بھی موجود ہیں- اس کے علاوہ اس پہاڑ پر واقع تالابوں کا پانی
انتہائی شفاف ہے-
|
|
|
اگر موسم صاف ہو تو آپ مکشپوری ٹاپ سے نانگا پربت کی بلند ترین چوٹی کا سحر
انگیز نظارہ بھی کرسکتے ہیں-
|
|
|
مکشپوری ٹاپ نامی یہ پہاڑ ایوبیہ نیشنل پارک کا حصہ ہے٬ یہی وجہ ہے اس مقام
تک پہنچنے کے دوران آپ پارک کے بھی دیگر حسین اور دلچسپ نظارے کرتے جاتے
ہیں-
|
|
|
مکشپوری سنسکرت زبان کا لفظ ہے جو کہ بنیادی طور پر دو لفظوں سے مل کر بنا
ہے- ایک لفظ مکشا ہے جس کے معنی آزادی کے ہیں جبکہ دوسرا لفظ پوری ہے اور
اس کا مطلب قصبہ ہے-
|
|
|
مکشپوری کی بلند ترین چوٹی پر کھڑے ہو کر سرکل بکوٹ٬ دریائے جہلم٬ باغ ضلع٬
مری تحصیل اور اسلام آباد کا بھی حسین نظارہ کرسکتے ہیں-
|
|
|
مکشپوری ٹاپ پر آپ کو ہر طرف بندر٬ رنگ برنگی تتلیاں یا پھر مویشی دکھائی
دیں گے-
|
|
|
اس جگہ کے سحر انگیز نظارے اور یہاں کا پرسکون ماحول اسے تفریح کے حوالے سے
ایک شاندار اور دلچسپ مقام بناتے ہیں-
|
|
|
|
اس وقت کا ایک دلکش منظر جب مکشپوری ٹاپ نے برف کی سفید چادر اوڑھ رکھی
ہوتی ہے- |