|
امریکہ کے شہر اورلینڈو کے نزدیک واقع Mary Jane نامی
جھیل سے ایک مگرمچھ نے باہر نکل کر قریب موجود 10 سالہ بچی پر حملہ کردیا
اور اس کی ٹانگ اپنے منہ میں دبا لی-
|
|
|
یقیناً یہ خوفزدہ کردینے والے لمحات تھے لیکن ایسے وقت میں بھی اس بچی نے
ایسا کام کیا کہ مگرمچھ نے نہ صرف اس کی ٹانگ چھوڑی بلکہ اسے مجبوراً
بھاگنا بھی پڑا-
عینی شاہدین کے مطابق جب 9 فٹ لمبے مگرمچھ نے بچی کی ٹانگ اپنے منہ میں
دبائی تو اس نے مدد کے لیے پکارنا شروع کردیا اور ساتھ ہی اپنی دو انگلیاں
مگرمچھ کی ناک میں داخل کردیں اور دوسرے ہاتھ مگرمچھ کا منہ کھولنے کی کوشش
کرنے لگی-
اس صورتحال میں مگرمچھ کے لیے سانس لینا دشوار ہوگیا اور وہ اپنا منہ
کھولنے پر مجبور ہوگیا اور اس طرح بچی اپنی ٹانگ مگرمچھ سے آزاد کروانے میں
کامیاب ہوگئی- مگرمچھ کے اس حملے میں بچی کی ٹانگ پر 10 ٹانکے تو آئے لیکن
اس کی جان مکمل طور پر محفوظ رہی-
|
|
|
|
اس بہادر بچی کا کہنا ہے کہ “ مگرمچھ سے بچنے کا یہ طریقہ میں نے گیٹرلینڈ
وائلڈ لائف پارک میں سیکھا تھا اور اسی طریقے نے آج میری جان بچائی ہے“-
|