کم عمری میں شادی کرنے والے مقبول ترین پاکستانی فنکار

 

کچھ لوگوں کا کہنا ہے کا شادی ایک خاص عمر میں کرنی چاہیے جبکہ بعض افراد کے نزدیک شادی کے لیے عمر کا معاملہ کوئی زیادہ اہمیت نہیں رکھتا- تاہم اگر ہم شوبز کی دنیا سے سے تعلق رکھنے والی مشہور پاکستانی شخصیات کی بات کریں تو ہمیں یہ دکھائی دے گا کہ یہ شخصیات اپنے کیریر کو فوقیت دیتی ہیں اور ایک عروج حاصل کرنے کے بعد ہی رشتہ ازدواج میں منسلک ہوتی ہیں- لیکن شوبز سے تعلق رکھنے والی چند مقبول ترین پاکستانی شخصیات ایسی بھی ہیں جنہوں نے اپنے کیریر کے آغاز میں یا اس سے بھی قبل انتہائی کم عمری میں ہی شادی کرلی تھی- تاہم ان کی شادی نے ان کے کیریر کے سفر میں کوئی رکاوٹ پیدا نہیں کی٬ یہاں تک کا یہ عروج پر پہنچ گئے- مندرجہ ذیل میں چند ایسے ہی مشہور پاکستانی فنکاروں کا ذکر موجود ہے-


ماہرہ خان
ماہرہ خان نے مقبول ترین ڈرامے ہمسفر سے شہرت حاصل کی اور دیکھتے ہی دیکھتے ٹی وی اسکرین کا ایک جانا مانا نام بن گئیں- دلچسپ بات یہ ہے کہ ماہرہ خان کی شادی ان کے مقبول ہونے سے قبل ہی ہوچکی تھی- ماہرہ کی شادی صرف 23 سال کی عمر میں علی عسکری سے ہوئی- تاہم بدقسمتی سے یہ شادی زیادہ عرصہ چل نہ سکی اور اختتام پذیر ہوگئی-


فاطمہ آفندی
مایہ ناز فنکارہ فاطمہ آفندی کی شہرت کی وجہ مقبول ڈرامہ سیریل “ کاش میں تیری بیٹی نہ ہوتی“ بنا- فاطمہ بھی صرف 21 سال کی عمر میں رشتہ ازدواج میں بندھ چکی تھیں- فاطمہ آفندی کے شریکِ حیات بھی ٹی وی اسکرین کا بڑا نام ہے اور انہیں کنور ارسلان کے نام سے جانا جاتا ہے جو کہ خود بھی ایک باصلاحیت فنکار ہیں-


سائرہ یوسف
سائرہ یوسف کا شمار بھی پاکستان کی ڈرامہ انڈسٹری کی قابلِ ذکر فنکاراؤں میں ہوتا ہے اور یہ بھی کم عمر یعنی صرف 21 سال کی عمر میں رشتہ ازدواج میں بندھ چکی تھیں- سائرہ کی شادی نوجوان فنکار شیروز سبزواری سے ہوئی- اور اب یہ جوڑا والدین ہونے کا اعزاز بھی حاصل کر چکا ہے- یہ ہماری پاکستانی ڈرامہ انڈسٹری کا ایک بااثر جوڑا سمجھا جاتا ہے-


عائزہ خان
پاکستانی ڈراموں کی مقبول ترین اور پرکشش فنکارہ عائزہ خان کی شادی مشہور اور باصلاحیت فنکار دانش تیمور سے ہوئی- شادی کے وقت عائزہ خان کی عمر صرف 23 سال تھی- یہ دونوں ایک خوش و خرم زندگی گزار رہے ہیں اور اب والدین بھی بن چکے ہیں-


عینی جعفری
عینی جعفری بھی پاکستانی ڈرامہ انڈسٹری کی ایک خوبصورت اور باصلاحیت فنکارہ ہیں اور اب بڑی اسکرین پر بھی اپنی فنکاری کے جوہر دکھا رہی ہیں- عینی نے بہت کم وقت میں مقبولیت حاصل کی- عینی جعفری سال 2014 میں اس وقت رشتہ ازدواج میں منسلک ہوئیں جب ان کی عمر صرف 22 سال تھی-


فہد مصطفیٰ
فہد مصطفیٰ ہر عمر کے افراد کے دل کی دھڑکن سمجھے جاتے ہیں کیونکہ یہ ایک انتہائی منجھے ہوئے اداکار ہیں- فہد مصطفیٰ کا شمار بھی ان فنکاروں میں ہوتا ہے جو بہت کم وقت میں شہرت کی بلندیوں تک جاپہنچے- فہد مصطفیٰ نے بھی بہت کم عمری میں شادی کی اور شادی کے وقت ان کی عمر صرف 22 سال تھی-


اریج فاطمہ
اریج فاطمہ پاکستانی ڈرامہ انڈسٹری کا ایک اور مقبول ترین نام ہے جو کہ پرکشش بھی ہے- اریج فاطمہ کی شادی بھی انتہائی کم عمری میں صرف 23 سال کی عمر میں فراز خان کے ساتھ ہوئی- تاہم یہ شادی بہت مختصر عرصے تک چل پائی اور صرف دو ہفتوں کے بعد ہی اس جوڑے میں علیحدگی ہوگئی-

Email
Rate it:
Share Comments Post Comments
09 May, 2017 Total Views: 17754 Print Article Print
NEXT 
Reviews & Comments
آج ہہمارے معاشرے کی حالت یہ ہو چکی ہے کہ پہلے لڑکی کے لئے آنے والے رشتوں کو رد کیا جاتا ہے جب بالوں میں چاندی اتر آتی ہے تو والدین فکرمندی کا شکار ہوتے ہیں پہلے تو اپنی من مانی اور مطالبات کی لمبی فہرست ہوتی ہے ایسے والدین کے لئے یہ کم عمری میں شادی کا فائدہ ملحوظ خاطر دیکھنا چاہیے کہ جس سے وہ اولاد کی جانب سے بدنامی سے بچ سکتے ہیں۔اورجلدی فریضہ کی ادائیگی بھی کر سکتے ہیںِ
By: zulfiqar bukhari, rawalpindi on Jun, 02 2017
Reply Reply
0 Like
Post your Comments Language:    
Type your Comments / Review in the space below.
Some people say that in order to get married one must be of a certain age, while there others who deny this fervently. They believe that age is just a number and the key for a secure marriage is love and loyalty. When it comes to celebrities, it is often said that getting married early has an effect on their careers. However that is not necessarily the scenario always, there are many Pakistani celebrities who got hitched pretty early as compared to the rest.
MORE ON ARTICLES
MORE ON HAMARIWEB