کیا آپ سام سنگ کے والد ہیں؟ یا وزیراعظم سبزی لینے گیا ہے

یوں تو بھارت سے اکثر ہی مضحکہ خیز یا عجیب و غریب کارناموں کی خبریں آتی رہتی ہیں لیکن اس بار آنے والی خبر نے تو پوری دنیا میں بھارت کا مذاق بنا کر رکھ دیا ہے- جی ہاں حال ہی میں بھارت کی ریاست راجھستان میں واقع ’’بوندی ‘‘ نامی ایک ایسے گاؤں کا انکشاف ہوا جس کے ہر رہائشی کا نام انتہائی عجیب ہے-
 

image

اگر آپ اس گاؤں جائیں اور وہاں آپ کو سنائی دے کہ “ وزیراعظم سبزی لینے گیا ہے یا پھر صدر دہی لینے گیا ہے یا پھر سام سنگ کے پیٹ میں درد ہے“ تو یہ کوئی انوکھی بات نہیں کیونکہ اس گاؤں کے رہائشی اپنے بچوں کے نام اعلیٰ سرکاری عہدوں٬ موبائل کمپنیوں٬ عدالتوں یا پھر مٹھائیوں کے نام پر رکھتے ہیں-

جی ہاں اس گاؤں میں آپ کو متعدد ایسے افراد ملیں گے جن کے نام صدر٬ وزیراعظم٬ آئی جی٬ کلکٹر٬ سیشن کورٹ٬ سپریم کورٹ٬ سیشن جج اور مجسٹریٹ وغیرہ ہوں گے اب چاہے یہ افراد کبھی اسکول گئے ہی نہ ہوں-

اس کے علاوہ یہاں سام سنگ٬ ایپل٬ اینڈرائیڈ٬ سم کارڈ٬ ایزی لوڈ٬ مس کال٬ چم چم٬ گلاب جامن٬ برفی٬ رس گلہ اور دہی بھلے وغیرہ بھی عام چلتے پھرتے دکھائی دیتے ہیں-
 

image


بات یہیں ختم نہیں ہوتی کیونکہ کئی لوگوں کے نام مشہور شخصیات کے ناموں پر یا پھر عام استعمال کی اشیاﺀ کے ناموں پر رکھے گئے جیسے کہ نریندرا مودی، سونیا گاندھی٬ راہول گاندھی، پریانکا گاندھی ،آلو ، ٹماٹر ، گوبھی ،بکری ،چوزہ وغیرہ-

ایسا محسوس ہوتا ہے کہ اس گاؤں میں رہنے والے والدین جس بھی چیز سے متاثر ہوئے انہوں نے اس چیز کے نام پر اپنے بچے کا نام رکھ دیا- دلچسپ بات یہ ہے کہ ان تمام عجیب و غریب ناموں کی سرکاری سطح پر رجسٹریشن بھی کی جاچکی ہے-

YOU MAY ALSO LIKE:

If you hear someone saying here "Rashtrapati has gone to graze goats" or "Pradhan Mantri has left for the city to purchase essentials", don't be surprised. Also a doctor being asked to prescribe medicines for Samsungs or Androids suffering from dysentery isn't something uncommon.