90s میں کمپیوٹر کا استعمال٬ دلچسپ یادیں اور ایک مسکراہٹ

وقت گزرنے کے ساتھ ساتھ ٹیکنالوجی کی دنیا میں بے انتہا جدت آچکی اور ہم بہت کچھ پیچھے چھوڑ آئے ہیں- اگر آپ صرف نوے کی دہائی میں استعمال ہونے والے کمپیوٹر پروگرامز اور ونڈوز پر نظر ڈائیں گے تو آپ کو احساس ہوگا کہ آپ ٹیکنالوجی کے حوالے سے کتنی ترقی کرچکے ہیں؟ آج ہم آپ کو اسی مناسبت سے نوے کی دہائی سے وابستہ کمپیوٹر کی دنیا کی چند جھلکیاں دکھائیں جنہیں دیکھ کر آپ کی کئی یادیں تازہ ہوجائیں اور آپ کے ہونٹوں پر ایک مسکراہٹ پھیل جائے گی-

MS-DOS
نوے کی دہائی میں تقریباً ہر طالبعلم نے ضرور اپنے اسکول میں MS-DOS کمانڈز سیکھیں ہوں گی- اور یہ کمانڈز کمپیوٹر پیپرز کا لازمی حصہ ہوتی تھیں- اسی دور میں اسکول کی سطح پر کمپیوٹر کی تعلیم کا آغاز کیا گیا تھا-

The BSNL Dialog Box
اس صورتحال سے بھی اکثر لوگ واقف ہوں گے جب انٹرنیٹ کنیکٹ ہونے کے لیے آپ کو اپنے کمپیوٹر موڈیم کے ساتھ ٹیلیفون لائن منسلک کرنا پڑتی تھی- زیرِ نظر تصویر میں موجود ڈائیلاگ باکس ورلڈ وائڈ ویب کے لیے استعمال کیا جاتا تھا-

MSN Messenger
90 کی دہائی میں سوشل نیٹ ورک کے لیے ایم ایس این میسینجر بڑے پیمانے پر استعمال کیا جاتا تھا اور وہ کچھ ایسا دکھائی دیتا تھا-

Orkut Memories
اس وقت گوگل کی جانب سے متعارف کروائے جانے والے Orkut نے سماجی روابط کو دیکھنے کا نظریہ ہی بدل دیا اور اس نے سوشل میڈیا کی دنیا کو جدت بخشی-

The Nero Burn
یہ ایک ایسا سافٹ وئیر تھا جس کی مدد سے آپ اپنی منتخب کردہ فائلوں کو سی ڈی میں محفوظ بناسکتے تھے- تاہم اس کے لیے ہارڈوئیر کے طور پر سی ڈی رائٹر درکار ہوتا ہے-

The Navigation
نوے کی دہائی میں استعمال کی جانے والی ونڈوز میں کسی سیکشن تک رسائی کے لیے مختلف مراحل سے گزرنا پڑتا تھا- یہ سب کچھ آج کی مانند صرف ایک کلک سے ممکن نہیں تھا-

The Card Games
نوے کی دہائی میں متعارف کروائی جانے والی ونڈوز میں موجود یہ کارڈ گیم نہ صرف انتہائی مقبول ہوا بلکہ اکثر لوگوں میں اس گیم کو کھیلنے کا شوق جنون کی حد تک بھی پایا گیا-