دل دہلا دینے والے حکومتی راز

حالیہ چند سالوں کے دوران مختلف حکومتوں اور خفیہ ایجنسیوں کے حوالے سے متعدد اسیکنڈلز نے سر اٹھایا- لیکن بدقسمتی سے یہ اسکینڈل نئے نہیں تھے- چاہے حکومت ہو یا پھر ان کے ساتھ تعاون کرنے والے چند خفیہ ادارے٬ یہ سب متعدد دل دہلا دینے والے رازوں کے امین ہوتے ہیں- اور ان رازوں سے ایک طویل وقت گزرنے کے بعد پردہ اٹھایا جاتا ہے- یہاں ہم آپ کو دنیا کی مختلف حکومتوں کے چند ایسے ہی خوفناک رازوں کے بارے میں بتارہے ہیں-

سن شائن پروجیکٹ
1950 میں امریکی حکومت نے ایک خفیہ آپریشن کا آغاز کیا جس کا نام سن شائن پروجیکٹ تھا- اس پروجییکٹ میں انسانی جسموں پر کیمیائی ہتھیاروں کے مضر اثرات کا مطالعہ کیا جارہا تھا- اور اس مقصد کے لیے امریکی حکومت نے 900 سے زائد مردہ انسانوں کے ٹشو حاصل کیے- لیکن یہ ٹشو ان مردہ افراد کے اہلِ خانہ کی اجازت کے بغیر حاصل کیے گئے یعنی امریکی حکومت نے یہ ٹشو چرائے-

جان ایف کینیڈی کا دماغ
امریکہ کے ایک سابق صدر جان ایف کینیڈی کو دورانِ صدارت ہی ایک حملے میں قتل کردیا گیا تھا- جب اس صدر کی لاش کا معائنہ کیا گیا تو انکشاف ہوا کہ صدر کا دماغ تو پہلے ہی غائب کیا جاچکا ہے-

آپریشن نارتھ وڈز
یہ آپریشن بھی امریکی حکومت کا ایک ڈرامہ تھا اور اس میں امریکی حکومت نے خود اپنے ملک پر جعلی حملے کرنے کا منصوبہ بنایا تھا تاکہ کیوبا پر قبضہ کرنے کی وجوہات پیدا کی جاسکیں-

یونٹ 731
یونٹ 731 ایک جاپانی ریسرچ یونٹ تھا اور اس یونٹ میں ناقابلِ یقین حد تک خوفناک جنگی جرائم کا مظاہرہ کیا گیا- یہ تمام ظلم جنگِ عظیم دوئم کے کوریائی اور چینی قیدیوں پر ڈھائے گئے- ان پر خوفناک قسم کے تجربات کیے گئے-

غیر قانونی پروجیکٹس
COINTELPRO ایک غیر قانونی منصوبوں کا ایک پورا سلسلہ تھا جو کہ ایف بی آئی نے شروع کر رکھا تھا- ان منصوبوں میں ایف بی آئی مختلف سیاسی گروپوں کے خلاف مجرمانہ اقدامات کرتی تھی- اور ان جرائم کو ایف بی آئی کے ڈائریکٹر Mark Felt نے تسلیم بھی کیا لیکن انہیں ریگن کی جانب سے معافی دے دی گئی-

دماغ پر کنٹرول
MKULTRA بڑے پیمانے پر دماغ پر قابو پانے والے تجربات کا ایک خفیہ منصوبہ تھا جو کہ سی آئی اے نے شروع کیا تھا- ان تجربات کے دوران لوگوں کو ایل ایس ڈی (تیزاب) نگلنے پر مجبور کیا جاتا تھا یہاں تک کہ ان پر تشدد بھی کیا جاتا تھا-

پروپیگنڈا
سی آئی اے نے 1960 کی دہائی میں ایک Mockingbird نامی خفیہ آپریشن کا آغاز بھی کیا تھا- اس آپریشن مختلف اخبارات کے صحافیوں کو اس بات پر قائل کیا جاتا تھا کہ وہ سی آئی اے کے مختلف پروپیگنڈو کو اخبارات میں بڑھ چڑھ کر شائع کروائیں-