سانپوں کا ڈر یا خوف لوگوں میں عام پایا جاتا ہے اور یہ
خوف بلاوجہ بھی نہیں کیونکہ سانپ ایک زہریلا ترین جانور ہے کسی بھی انسان
کو ہلاک کرنے کی صلاحیت رکھتا ہے- تاہم سانپوں میں چند ایسی ناقابلِ یقین
صلاحیتیں بھی پائی جاتی ہیں جو اسے ایک حیرت انگیز جانور بناتی ہیں- جیسے
کہ بعض سانپ اڑنے کی صلاحیت رکھتے ہیں- ہم آج کے آرٹیکل میں آپ کو سانپوں
کی چند ایسی حیرت انگیز صلاحیتوں اور حقائق کے بارے میں بتائیں گے جن سے
بہت لوگ واقف ہیں-
|
|
سانپ سوائے انٹارٹیکا کے دنیا کے تمام حصوں میں پائے جاتے ہیں-
|
|
عام طور پر سانپ 10 سینٹی میٹر (4 انچ) سے لے کر 7 میٹر (23 فٹ) تک لمبے
ہوسکتے ہیں-
|
|
دنیا بھر میں سانپوں کی 3400 اقسام پائی جاتی ہیں اور ان میں سے صرف 600
اقسام زہریلی ہیں- ان 600 میں سے بھی 200 قسموں کے زہریلے سانپ ایسے ہیں جو
واقعی انسانوں کے لیے خطرہ ہیں-
|
|
دنیا میں دو سروں والے سانپ بھی پائے جاتے ہیں اور ایک ہی سانپ کے یہ دونوں
سر غذا کھانے کے لیے ایک دوسرے سے لڑتے ہیں-
|
|
سانپ ہر طرح کے ماحول میں خود کو زندہ رکھ سکتے ہیں- چاہے وہ جنگل میں ہوں٬
صحرا میں ہوں٬ جھیلوں میں ہوں یا پھر پہاڑوں پر رہتے ہوں-
|
|
بلیک ممبا دنیا کے سب سے زہریلے سانپوں میں سے ایک ہے اور اس کے کاٹنے کے
بعد صرف 45 منٹ میں انسان کی موت واقع ہوسکتی ہے- اس سانپ کے زہر کے تریاق
سے قبل شرح اموات تقریباً 100 فیصد تھی-
|
|
کئی سانپ اپنے سر سے بھی بڑے جانور کو نگلنے کی صلاحیت رکھتے ہیں-
|
|
برازیل میں واقع ایک جزیرے کو سانپوں کے جزیرے کے نام سے جانا جاتا ہے-
یہاں ہزاروں سانپ پائے جاتے ہیں- ایک اندازے کے مطابق اس جزیرے پر ہر 1
اسکوائر میٹر کے رقبے پر ایک سانپ موجود ہے-
|
|
جنوبی امریکہ کے آبی جنگلات میں ایسے سبز رنگ کے اژدھا
پائے جاتے ہیں جنہیں دنیا کے سب سے بڑے اور وزنی ازدھا قرار دیا جاتا ہے-
ان کا وزن 227 کلو گرام سے زیادہ اور لمبائی 9 میٹر تک ہوتی ہے-
|
|
زہریلے سانپ ہر سال دنیا بھر میں 90 ہزار افراد کی
ہلاکت کا باعث بنتے ہیں- البتہ مچھر کو دنیا کا مہلک ترین جانور قرار دیا
جاتا ہے کیونکہ اس کی وجہ سے ہر سال 10 لاکھ سے زائد افراد موت کے منہ میں
چلے جاتے ہیں-
|
|
دنیا میں ایسے سانپ بھی پائے جاتے ہیں جو اڑنے کی
صلاحیت رکھتے ہیں- ان سانپوں کا تعلق جنوب مشرقی ایشیا سے ہے اور یہ 100
میٹر تک کا فاصلہ اڑ کر بھی طے کرسکتے ہیں- |