گھروں سے دریافت ہونے والی عجیب اشیا٬ کوئی مالا مال تو کوئی خوف میں مبتلا

آپ جب کوئی نیا گھر خریدتے ہیں تو آپ کو اس بات کے جاننے میں ضرور تجسس ہوتا ہے کہ گھر کا پرانا مالک کونسی چیزیں گھر کو خالی کرتے ہوئے چھوڑ گیا ہے؟ عموماً یہ عام سی چیزیں ہوتی ہیں جو آپ کو نئے گھر کے کچن یا کسی کمرے کے کونے میں رکھی دکھائی دیتی ہیں- لیکن ہم آج جن چیزوں کا ذکر کرنے جارہے ہیں وہ نہ صرف عجیب ہیں بلکہ یہ مختلف مواقع پر ہونے والی تزئین و آرائش یا گھروں کی بحالی کے دوران گھر کے مختلف حصوں سے دریافت ہوئی ہیں-

آسٹریا کے علاقے Wiener Neustadt سے تعلق رکھنے والے ایک نامی Andreas K شخص کو اپنے گھر کے پچھلے حصے سے خزانہ دریافت ہوا- یہ خزانہ 200 سے زائد انگوٹھیوں٬ بروچ٬ بیلٹ بکلز٬ سونے کا پانی چڑھی چاندی کی پلیٹوں پر مشتمل تھا-

Steven Tull نامی شخص کو اپنے گھر سے ایک ایسی گمشدہ آڈیو ٹیپ دریافت ہوئی جس میں اس کے والد اور مارٹن لوتھر کنگ جونیر کے درمیان ہونے والی گفتگو ریکارڈ تھی- یہ 1960 میں دیا جانے والا ایک انٹرویو تھا جو ایک کتاب کے بارے میں تھا-

Bronx میں ایک شخص کو کھدائی کے دوران اپنے گھر سے ایک دلچسپ گولف بال دریافت ہوئی جس کا تعلق 1899 سے بتایا جاتا ہے- امکان ظاہر کیا جارہا ہے کہ شاید ماضی میں اس گیند کا رنگ سفید تھا-

ونکس کے علاقے St. Francis کے ایک رہائشی جوڑے کو اپنے گھر کے باتھ روم کی دیوار سے ایک کوریائی میزائل دریافت ہوا- 20 انچ لمبا یہ میزائل اس وقت دریافت ہوا جب تزئین آرائش کے لیے باتھ روم کی دیوار کو توڑا گیا- اس میزائل میں دھماکہ خیز مواد بھی موجود تھا-

کیلی فورنیا سے تعلق رکھنے والے ایک شخص کو اپنے گھر کے عقبی صحن سے کھدائی کے دوران 8.2 پونڈ کے وزن کا حامل سونے کا ٹکڑا دریافت ہوا- یہ ٹکڑا نیلامی میں 4 لاکھ 60 ہزار ڈالر کا فروخت کیا گیا- تاہم اس کی شناخت کو ظاہر نہیں کیا گیا-

چیک ری پبلک میں ایک گھر میں جب پائپوں کی تنصیب کے لیے صحن کی کھدائی کی تو وہاں سے چرچ کی دو بڑی گھنٹیاں دریافت ہوئی جن کی تاریخ 400 سال پرانی بتائی جاتی ہے- یہ گھنٹیاں دراصل دریافت سے 11 سال قبل قریبی چرچ سے چرائی گئی تھی اور یہاں کسی نے دفن کر دی تھیں-

امریکہ کے علاقے Phoenix کے ایک رہائشی جوڑے نے جب اپنے گھر کے کچن کی دیوار توڑی تو انہیں دیوار کے پیچھے سے ایک تجوری دریافت ہوئی- اس تجوری میں 50 ہزار ڈالر سے زائد مالیت کی رقم کے علاوہ ایک کتاب بھی موجود تھی-

Heikendorf کے مضافات میں رہنے والے ایک امیر جرمن باشندے کو اپنے گھر کے تہہ خانے سے جنگِ عظیم کے دور کے ہتھیار برآمد ہوئے جن میں ایک ٹینک اور توپ بھی شامل تھی-

پنسلوانیا کے ایک گھر کی دیواروں سے مرغیوں کی متعدد ہڈیاں دریافت ہوئی- امکان ظاہر کیا گیا کہ شاید یہ ہڈیاں جادو کے لیے استعمال کی گئی ہیں- ان ہڈیوں یا ڈھانچوں کو نکالنے کے لیے 20 ہزار ڈالر کی لاگت آئی جبکہ اس کام میں کئی سال لگے-

< Previous ناقابلِ یقین کیڑے اور حیرت انگیز خصوصیات NEXT > مردہ اژدھا کا زندہ ہونا اور ہمارا نفس