"ہماری ویب" رائٹرز کیلئے اس وقت سب سے
بہتر پلیٹ فارم ہے جہاں آزادیِ رائے وتحریر کیلئے بہت گنجائش موجود ہے۔ صرف
چند سالوں میں اس سے متعلقہ ذمہ داروں نے رائٹرز کو وہ تما م سہولتیں بہم
پہچانے کی کوششیں کی ہیں جنکی وجہ سے رائٹرز کی حوصلہ افزائی ہو رہی ہے اور
اس لیئے لکھنے والوں کی تعداد میں اضافہ ہو تا چلا جارہا ہے۔
میں بھی فارغ اوقات میں لکھنے کا شوقین تھا۔ لہذاآغاز میں سیاست و بین
الااقوامی موضوعات پر تحقیقی کام کر کے تحریر کرنا شروع کیا اور ایک اخبار
میں میرے مضامین شائع ہونے شروع ہو گئے۔وہاں کے ذمہ داروں نے نے میری حوصلہ
افزائی کی تو مزید قدم آگے بڑھایا اور چند دوسرے اخبارات سے بھی رابطہ کیا
جہاں سے جلد ہی مُثبت انداز میں جوابات آئے اور پھر اُن بھی وقتاٍفوقتاً
میرے مضمون شائع ہونے شروع ہو گئے۔لیکن اب موضوع جنرل نوعیت کے بھی تھے اور
کچھ سچی کہانیاں بھی ۔
اس دوران بعض جگہ کچھ رکاوٹیں سامنے آئیں تو کمپیوٹر پر بیٹھ کر ایسی ویب
سائٹ تلاش کرنی شروع کر دی جس پر آسانی سے اپنے خیالات کا اظہار کیا جاسکے۔
یعنی تحریر مواد شائع کروایا جا سکے۔ جلد ہی " ہماری ویب ڈکشنری" سے متعلقہ
" ہماری ویب" کی سائٹ سامنے آگئی اور پھر 2015ء کی آخری سہ ماہی سے آج تک
میں " ہماری ویب" سے باقاعدہ طور پر منسلک بھی ہوں اور متعلقہ انتظامیہ سے
ابطے میں بھی ۔
" ہماری ویب " نے جلد ہی مسلسل لکھنے والوں کیلئے ایک رائٹر کلب بھی قائم
کر دیا تھا جسکی شرائط پر پورا اُترنا لازمی تھا۔لہذا میں نے کوشش کی کہ
اُن شرائط پر پورا اُترا جا سکے۔لہذا یہ اُنکی مہربانی تھی کہ اُنھوں نے
جلد ہی مجھے اُسکا ممبر بنا لیا اور اب وہ مجھے " ہماری ویب"سے متعلق کسی
بھی ادبی سرگرمی میں شامل کرنے کیلئے بذریعہ ای میل ضرور اطلاع دیتے ہیں۔
"ہماری ویب " کی انتظامیہ کا ایک اور بہت اہم کارنامہ " اِی بُک " کی اشاعت
ہے۔ جن لکھنے والوں8 کے مضامین 60یا اُس سے زائد ہو جاتے ہیں اُن میں سے
ترتیب کے حساب سے وہ " ای بُک" ترتیب دے دیتے ہیں۔ جس سے لکھنے والوں کو
مزید حوصلہ ملتا ہے۔
میں اُمید رکھتا ہوں کہ "ہماری ویب " کی انتظامیہ مستقبل میں بھی اپنی ادبی
خدمات بخوبی انجام دیتی رہے گی۔
|