زمین پر رہنے والی مچھلی اور چونکا دینے والے حقائق

lungfish کو salamanderfish کے نام سے بھی جانا جاتا ہے اور یہ مچھلی میٹھے پانی کے علاوہ اپنی زمین پر زندہ رہنے کی صلاحیت کے حوالے سے بھی شہرت رکھتی ہے- ناقابلِ یقین صلاحیت کی حامل یہ مچھلی دیگر زمینی جانوروں کی مانند براہ راست ہوا سے آکسیجن حاصل کرتی ہے-

تیرنے کے علاوہ رینگنے کی صلاحیت سے مالا مال یہ مچھلیاں پانی میں ہونے کے باوجود باقاعدگی سے ہوا کے لیے پانی کی سطح پر آتی ہیں-

عام طور پر یہ مچھلی دلدل میں رہتی ہے لیکن بڑے جھیلوں میں بھی پائی جاتی ہے-

جب یہ مچھلی پانی میں ہوتی ہے تو دیگر عام مچھلیوں کی مانند ہی برتاؤ کرتی ہے جیسے کہ تیرنا اور چھوٹی مچھلیاں کھانا وغیرہ لیکن خشکی کے موسم میں یہ مٹی کی گہرائی میں اپنا بِل بنا لیتی ہے-

یہ مچھلی اپنی مطلوبہ گہرائی کے حصول تک وقت مٹی کو کھودتی رہتی ہے اور اس گہرائی میں داخل ہونے کے بعد بھی اس کا منہ باہر کی جانب ہی رہتا ہے- دوبارہ پانی آنے اور مٹی کے نرم پڑنے پر یہ مچھلی اپنے بِل سے باہر آجاتی ہے-

یہ بھی کہا جاتا ہے کہ یہ مچھلی اس خشک مٹی میں زیرِ زمین چار سال تک زندہ رہ سکتی ہے- یہ مچھلیاں افریقہ٬ جنوبی امریکہ اور آسٹریلیا میں پائی جاتی ہیں- افریقہ کے باشندے اس مچھلی کو شوق سے کھاتے بھی ہیں اور اسے خشک مٹی کھود کر باہر نکالتے ہیں-

< Previous بل گیٹس کا گھر اور چند ناقابلِ یقین حقائق NEXT > دبئی: سفر کے لیے مسافر ڈرون کا استعمال