|
آپ آج تک بلند و بالا اور ہیبت ناک پہاڑوں کے بارے میں
سنتے آئے ہوں گے لیکن آج ہم آپ کو دنیا کے سب سے چھوٹے پہاڑ اور سب سے
چھوٹے پہاڑی سلسلے کے بارے میں بتائیں گے جس کے بارے میں یقیناً آپ نے کبھی
نہیں سنا ہوگا-
|
|
|
جی ہاں دنیا کا سب سے چھوٹا پہاڑ جسے Mount Wycheproof کے نام سے جانا جاتا
ہے ایک چھوٹی سی آسٹریلوی سڑک کے کنارے پر واقع ہے-
یہ پہاڑ سطحِ سمندر سے 148 میٹر کی بلندی پر واقع ہے لیکن اس پہاڑ کی اپنی
بلندی صرف 43 میٹر ہے کیونکہ اس کے اردگرد کی زمین بھی بلند ہے اس لیے یہ
اندازہ لگانا مشکل ہے کہ اس پہاڑ کا آغاز کہاں سے ہورہا ہے؟-
|
|
|
|
یہ پہاڑ آسٹریلیا کے Wycheproof نامی قصبے میں واقع ہے اور یہ نام
Aboriginal زبان کا لفظ ہے جس کے معنی “ گھاس کا پہاڑ “ کے ہیں- یوں تو یہ
قصبہ 1846 میں آباد ہونا شروع ہوا تھا لیکن سرکاری سطح پر اس کے قیام کی
تاریخ 1875 کی ہے-
اس کے علاوہ دنیا کا سب سے چھوٹا پہاڑی سلسلہ شمالی کیلیفورنیا کے علاقے
Sutter County کی وادی Sacramento میں واقع ہے-
|
|
|
Sutter Buttes نامی اس پہاڑی سلسلے کی بلندی 610 میٹر ہے لیکن اس کی متعدد
چوٹیوں کی وجہ سے اسے دنیا کا سب سے چھوٹا پہاڑی سلسلہ ہونے کا اعزاز حاصل
ہے-
زراعتی زمین کے گرد موجود یہ پہاڑ درحقیقت ایک فعال آتش فشاں پہاڑی سلسلہ
ہے -
|
|
|