باوجود اس کے کہ ہم سوشل میڈیا اور انٹرنیٹ پر شائع ہونے
والی خبروں کے ذریعے بےشمار معلومات حاصل کرتے ہیں لیکن پھر بھی دنیا میں
کئی ایسے واقعات رونما ہورہے ہیں جن کی خبریں ہم تک نہیں پہنچنے دی جاتیں-
اور یہ سب خاص مفادات کے حصول کے لیے کیا جاتا ہے- ہماری توجہ غیر اہم
واقعات پر مرکوز رہتی ہے اور اصل حقائق ہم سے چھپا لیے جاتے ہیں- دنیا بھر
میں بہت کچھ ایسا ہورہا ہے جس سے دنیا کی ایک بڑی آبادی لاعلم ہے- وہ کیا
ہے؟ آئیے جانتے ہیں-
|
|
ہر سال دنیا کے متعدد صحراؤں کے رقبے میں اضافہ ہوجاتا ہے- مثال کے طور پر
صحارا صحرا کے رقبے میں جنوب کی جانب سال 1900 سے لے کر اب تک 250 کلومیٹر
کا اضافہ ہوچکا ہے-
|
|
انسانوں کی ذہانت میں ہر سال اوسطاً 3 آئی کیو پوائنٹس کا اضافہ ہورہا ہے-
ایسا کیوں ہورہا ہے٬ اس بارے میں سائنسدان اب تک کچھ بھی یقین کے ساتھ نہیں
کہہ سکے-
|
|
گزشتہ 20 سالوں کے دوران کینسر کے مریضوں کی شرح میں 20 فیصد کمی واقع ہوئی
ہے اور یہ کمی مستقل جاری ہے-
|
|
آپ کو یہ جان کر حیرت ہوگی کہ افریقہ دنیا کا سب سے تیزی سے ترقی کرنے والا
خطہ ہے اور یہاں کے حالات اتنے بھی برے نہیں جتنے کہ مغربی این جی اوز ظاہر
کرتی ہیں- درحقیقت ان این جی اوز کو بھوک سے نڈھال بچوں کی تصاویر دکھائے
بغیر فنڈز حاصل نہیں ہوتے-
|
|
سال 2000 سے اب تک 1 لاکھ 50 ہزار سے میکسیکو کے رہائشی منشیات فروشوں کی
آپس کی جنگ کی بھینٹ چڑھ چکے ہیں-
|
|
قطر میں فیفا ورلڈ کپ اسٹیڈیم کی تعمیر انتہائی خوفناک ثابت ہوئی ہے- اس
اسٹیڈیم کی کے دوران اب تک 1 ہزار سے افراد ہلاک ہوچکے ہیں- اور ہلاک ہونے
والے زیادہ تر مزدور تارکینِ وطن تھے اور ایشیائی ممالک سے تعلق رکھتے تھے-
اور اسی وجہ سے یہ تعداد خبروں کی زینت بھی نہ بن سکی-
|
|
یقیناً دنیا میں شہد کی مکھیاں ہلاک ہورہی ہیں لیکن وہ اتنی تیزی سے بھی
ہلاک نہیں ہورہیں جتنا کہ میڈیا میں سنا جاتا ہے- ان کی آبادی کم ہونے کی
رفتار اتنی زیادہ نہیں کہ اسے خطرناک صورتحال قرار دیا جاسکے-
|
|
آپ نیوز ویب ساثٹس٬ سوشل میڈیا پلیٹ فارم اور فورم وغیرہ پر متعدد تبصرے
پڑھتے ہیں لیکن حقیقت میں متعدد بار لوگوں کو ان تبصروں کی مدد سے تخریبی
پیغامات پھیلانے کے لیے ادائیگی کی جاتی ہے-
|
|
آج کا دور انسان کی توقعات سے بھی زیادہ تیز رفتار اور
جدید ہے- یہاں تک اب ایسے کمپیوٹر بھی تخلیق کیے جاچکے ہیں جو نہ صرف خود
سے کچھ سیکھ سکتے ہیں بلکہ اپنی پروگرامنگ بھی خود ہی کرسکتے ہیں-
|
|
خودکشی کرنے والے برطانوی فوجیوں کی تعداد جنگ میں ہلاک
ہونے والے برطانوی فوجیوں سے کئی زیادہ ہے- اور اب فوجیوں کے خودکشی کرنے
کا یہ رجحان دیگر ممالک میں بھی زور پکڑتا جارہا ہے- |