|
2016 کے دوران سوشلستان پر جہاں کئی ویڈیوز وائرل ہوئیں
وہیں بعض تصاویر کو اتنا پسند کیا گیا کہ انہوں نے مقبولیت کے نئے ریکارڈ
بنا لئے۔ شام میں غیرملکی طاقتوں کے کھیل کے بعد منظرِعام پر آنے والی
تصاویر ہوں یا امریکا کے صدارتی انتخابات کے دوران لی گئیں تصاویر، سوشل
میڈیا پر اپنا اثر چھوڑنے والی ہر تصویر نے صارف کو نہ صرف تصویر شیئر کرنے
بلکہ اس پر اپنی رائے دینے پر مجبور ضرور کیا۔ زیرِ نظر چند تصاویر
ایسی ہیں جنہیں 2016 کے دوران بے حد پسند کیا گیا۔
|
|
|
رواں سال امریکہ کے صدارتی انتخابات ایک طویل عرصے تک خبروں کی زینت بنے
رہے- صدارتی انتخابات کے اگلے ہی روز 10 نومبر 2016 کو امریکی صدر باراک
اوبامہ اور نو منتخب امریکی صدر ڈونلڈ ٹرمپ ہونے والی ملاقات کی ایک یادگار
تصویر جو سوشل میڈیا پر مقبولیت حاصل کر گئی-
|
|
|
حلب میں فضائی حملے کے دوران زخمی ہونے والے 5 سالہ اومران دکنیشن کی تصویر
نے سوشل میڈیا پر متعدد دلوں کو جھنجھوڑ دیا تھا-
|
|
|
یوسین بولٹ کی یہ تصویر ریو اولمپک 2016 میں ریس کے مقابلے کے سیمی فائنل
کے دوران کھینچی گئی-یہ یوسین بولٹ کا آخری اولمپک تھا اور انہوں نے فائنل
مقابلے میں سونے کا تمعہ جیتا- انہی وجوہات کی بنا پر یہ تصویر سوشل میڈیا
پر ایک طویل عرصے تک گردش کرتی رہی-
|
|
|
جولائی 2016 میں ترکی کی فوج کے ایک دھڑے کی جانب سے بغاوت کی گئی جسے طیب
اردگان کی مضبوط حکومت نے 24 گھنٹے سے بھی کم وقت میں کچل دیا- تصویر میں
حکومت کی حمایت میں فوج اور عوام کو استنبول کے تقسم اسکوائر پر کھڑا دیکھا
جاسکتا ہے-
|
|
|
قدیم اور جدید دور کا ایک حسین امتزاج٬ دنیا کا پہلا شمسی توانائی سے چلنے
والا جہاز اپنی پہلی پرواز کے دوران اہرامِ مصر کے اوپر سے گزر رہا ہے- اس
پرواز میں سولر امپلس نے پوری دنیا کا چکر لگایا-
|
|
|
شام کی بدترین صورتحال کے باعث شامی باشندوں نے اپنی زندگیاں محفوظ بنانے
کے لیے بہت بڑے پیمانے پر ہجرت کی- شامی مہاجرین لیبیا کے ساحل پر تیراکی
کر کے امدادی کشتیوں تک پہنچنے کا یہ منظر سوشل میڈیا پر متعدد دلوں کو
افسردہ کر گیا-
|
|
|
جاپان کے شہر Fukuoka کی ایک مصروف شاہراہ پر ظاہر ہونے والے دیوقامت گڑھے
اور اس کی بحالی کے مناظر- اس سڑک کو صرف 7 روز میں دوبارہ آمد و رفت کے
قابل بنا دیا گیا اور اسے بھی سوشل میڈیا پر بےانتہا پذیرائی حاصل ہوئی-
|
|
|
ہیلری کلنٹن کے سپورٹرز نے ان کے ساتھ سیلفی بنانے کے لیے ایک منفرد طریقہ
اختیار کیا- درجنوں افراد نے یہ سیلفی فلوریڈا کے علاقے اولینڈو میں 25
ستمبر 2016 کو ایک مہم کے دوران بنائی- یہ لمحہ بھی سال 2016 کا ایک یادگار
لمحہ بن گیا-
|
|
|
یہ تصویر 11 جون 2016 کو اس وقت کھینچی گئی جب ملکہ
برطانیہ 90ویں سالگرہ کے موقع پر پریڈ کے دوران ایک سپاہی اچانک بے ہوش کر
گر پڑا- یہ تصویر بھی سوشل میڈیا پر کافی مقبول ہوئی-
|
|
|
جنگ کی وجہ سے شام کے شہر حلب میں ہونے والی تباہی کا
اندازہ کسی حد تک اس تصویر سے لگایا جس میں دکھائی دینے والے کھنڈر کبھی
آباد اور پُر رونق عمارات ہوا کرتی تھیں-
|