اگر آپ کسی عالیشان اور پرتعیش سہولیات سے آراستہ گھر میں
رہنا چاہتے ہیں تو اس کے لیے آپ کو ادائیگی بھی بڑی کرنا ہوگی لیکن یہ ہر
کسی کے بس کی بات نہیں- درحقیقت یہ پرتعیش اور جدید سہولیات سے آراستہ گھر
دنیا کے ارب پتی افراد کی ملکیت ہوتے ہیں- لیکن ہم آپ کو آج بتائیں گے کہ
آخر وہ کونسی خصوصیات اور سہولیات ہیں جو ان پرتعیش گھروں جنہیں اگر محل
کہا جائے تو کچھ غلط نہ ہوگا کو عام افراد کے کی رہائش گاہ سے ممتاز اور
منفرد بناتی ہیں؟
|
|
اکثر امیر ترین افراد کے گھر میں لائبریری ضرور موجود ہوتی ہے لیکن یہ کوئی
عام لائبریری نہیں ہوتی- ارب پتی افراد کے گھر میں موجود لائبریری میں رکھی
جانے والی کتابیں قدیم اور تاریخی ہوتی ہیں-
|
|
امیر ترین شخصیات کے گھر کے ہر کمرے میں انٹر کام کی سہولت ضرور موجود ہوتی
ہے اور یہ صرف دیگر کمروں موجود افراد سے بات چیت کرنے کے لیے نصب کیے جاتے
ہیں-
|
|
ہر امیر ترین شخصیت کے محل کا ایک پرکشش نام ضرور ہوتا ہے اور اس محل کو
اسی نام سے یاد کیا جاتا ہے-
|
|
ارب پتی افراد کے پرتعیش سہولیات سے آراستہ گھروں میں ایک حصہ مختلف کھیلوں
کے لیے ضرور مختص ہوتا ہے جس میں باسکٹ بال جیسے کھیل کے لیے بھی خصوصی
اہتمام کیا جاتا ہے-
|
|
ان پرتعیش گھروں کی دیکھ بھال اور دیگر امور سرانجام دینے والا عملہ بھی ان
گھروں کے احاطے میں موجود کمروں میں ہی اپنے خاندان کے ساتھ رہائش پذیر
ہوتا ہے- اور اسے بھی ایک امارت کی نشانی سمجھا جاتا ہے-
|
|
بیشتر ارب پتی افراد bowling alley کے بےانتہا شوقین ہوتے ہیں لیکن وہ اس
شوق کو اپنے عالیشان گھر میں پورا کرنے کو ترجیج دیتے ہیں-
|
|
امیر ترین افراد کے پرتعیش اور عالیشان گھروں میں سوئمنگ پول ہونا ایک عام
بات ہے- البتہ بعض گھروں میں سوئمنگ پول گھر کے اندر بنائے جاتے ہیں جبکہ
بعض میں گھر کے احاطے میں-
|
|
پرتعیش گھروں کے باتھ روم کے فرش کے نیچے ایک ایسا سسٹم نصب ہوتا ہے جو فرش
کو گرم رکھتا ہے اور اس سسٹم کا استعمال موسمِ سرما میں ٹھنڈک سے محفوظ
رہنے کے لیے کیا جاتا ہے-
|
|
ان گھروں میں موجود فرنیچر کو بھی موسم کے اعتبار سے
تبدیل کیا جاتا رہتا ہے- گرمیوں کا فرنیچر الگ اور سردیوں فرنیچر الگ قسم
کا ہوتا ہے اور ہر موسم میں گھر کا پورا فرنیچر ہی تبدیل کر دیا جاتا ہے-
|
|
ان پرتعیش گھروں میں تفریح کے غرض سے ایک تھیٹر بھی
قائم کیا جاتا ہے- اور اس تھیٹر میں صرف بڑی ٹی وی اسکرین ہی موجود نہیں
ہوتی بلکہ یہاں اہلِ خانہ کے بیٹھنے کے لیے خاص اسٹیڈیم سیٹیں بھی رکھی
جاتی ہیں-
|
|
مہمانوں کو ٹھہرانے کے لیے ان گھروں کے ساتھ گیسٹ ہاؤس
بھی تعمیر کروائے جاتے ہیں جن کی تزئین و آرائش بھی انتہائی اعلیٰ ہوتی ہے- |