سائنسدان ایک عرصے سے یہ جاننے کوشش کر رہے ہیں کہ آیا وہ
کونسا طریقہ اپنایا جائے کہ جس انسان کی عمر طویل ہوجائے؟ اور اس سلسلے میں
اب تک متعدد تجربات اور تحقیق کی جاچکی ہیں-
تاہم سائنسدانوں کی ایک ٹیم نے حال ہی میں ایک نیا انکشاف کیا ہے کہ زندگی
میں خوش رہنا نہ صرف زندگی کو پرُلطف بناتا ہے بلکہ انسان کی عمر میں بھی
اضافہ کرتا ہے-
|
|
یہ نئی تحقیق لندن کالج یونیورسٹی کی جانب سے کی گئی ہے اور اس تحقیق کے
دوران ہزاروں بزرگ مرد و خواتین کی زندگی کا جائز لیا گیا- اس جائزے میں یہ
بات سامنے آئی کہ خوش و خرم زندگی کے اثرات انسان کی عمر پر بھی مرتب ہوتے
ہیں-
سال 2002 سے 2013 تک جاری رہنے والی اس تحقیق میں تقریباً 10 ہزار افراد کی
زندگی کا جائزہ لیا گیا- یہ تحقیق 3 مراحل پر مشتمل تھی- ان افراد سے ہر دو
سال بعد ایک جیسے سوالات کیے جاتے تھے-
|
|
آخر میں محققین اس نتیجے پر پہنچے کہ زندگی میں پایا جانے والا ااطمینان
اور خوشی موت کے خطرات کو کم کرتے ہیں- محققین کے مطابق جو لوگ اپنی زندگی
میں مطمئین ہوتے اور زندگی کو انجوائے کرتے ہیں ان کی جلد موت واقع ہونے کے
خطرے میں 17 فیصد کمی ہوجاتی ہے- |