|
سوشل میڈیا پر جو منفی چیز سب سے زیادہ عام ہے وہ جعلی
خبریں ہیں- یہ جعلی خبریں اتنی زیادہ پھیلائی جاتی ہیں کہ سوشل میڈیا کی
صارفین نہ صرف ان پر آنکھ بند کر کے یقین کر لیتے ہیں بلکہ انہیں آگے بھی
شئیر کر دیتے ہیں-
|
|
|
تاہم اب سماجی روابط کی مقبول ترین ویب سائٹ نے ایک ایسا نیا فیچر متعارف
کروایا ہے جس کی مدد سے ان جعلی خبروں کی روک تھام کسی حد تک ممکن ہوسکے گی-
فیس بک کی جانب سے یہ نیا فیچر غلط خبروں کو پھیلنے سے روکنے کے لیے متعارف
کروایا گیا ہے اور صارفین خود اس حوالے سے فیس بک کی مدد کریں گے-
درحقیقت فیس بک نے پوسٹ کو رپورٹ کرنے والے آپشنز میں ’یہ ایک جعلی خبر ہے‘
کے عنوان سے ایک ںئے آپشن اضافہ کیا ہے- اس آپشن کا استعمال کرتے ہی متعلقہ
پوسٹ حقیقت کا کھوج لگانے والے اداروں کے پاس منتقل ہوجائے گی-
|
|
|
فیس بک کے مطابق حقائق کی جانچ کے بعد ایسی کہانیاں جو جعلی ثابت ہوں گی ان
کے ساتھ ان کا وضاحتی لنک بھی شائع کیا جائے گا اور یہ جعلی کہانیاں صارفین
کو نیوز فیڈ میں نیچے کی جانب دکھائی دیں گی- |