اسمارٹ فون کے صارفین کو سب سے بڑی شکایت موبائل کی بیٹری
کے کم چلنے کے حوالے سے ہوتی ہے اور اسی لیے وہ اکثر چارجر تلاش کرتے
دکھائی دیتے ہیں- تاہم یوکرین کے ایک سائنسدان نے ایسی بیٹری ایجاد کرنے کا
دعویٰ کیا ہے جو بغیر چارج کیے 12 سال تک توانائی فراہم کرسکتی ہے-
|
|
یوکرین کی نیشنل اکیڈمی آف سائنسز کے سینیر سائنسدان Vladislav Kiselev کا
کہنا ہے کہ “ ان کی ایجاد کردہ اس بیٹری کو ایک دفعہ چارچ کرنے کے بعد
مسلسل 12 سال تک استعمال کیا جاسکتا ہے اور یہ صرف اسمارٹ فون کو ہی نہیں
بلکہ گاڑیوں کو بھی توانائی فراہم کرسکتی ہے“-
سائنسدان کا دعویٰ ہے کہ “ وہ اس ڈیوائس کو ایک مرتبہ چارج کرنے کے بعد اس
کی مدد سے گزشتہ ایک سال اور چار ماہ سے مختلف ڈیوائس کو مسلسل چارج کرتے
آرہے ہیں اور ابھی یہ ڈیوائس بغیر چارج کیے اگلے 11 سال تک مزید آلات کو
چارج کرسکتی ہے-
|
|
سائنسدان کے مطابق انہوں نے اپنی ایجاد کردہ بیٹری میں tritium کا استعمال
کیا ہے جس نے اس بیٹری کو 1000 گنا سے زائد طاقتور بنا دیا ہے اور ان کی
ٹیم اس بیٹری کے ڈیزائن کو بہتر بنانے کے لیے کوشاں ہے- |