نوجوانوں میں سیلفی کا شوق جنون کی حد تک بڑھتا جارہا ہے
اور ایک انتہائی خوفناک اور خطرناک صورتحال اختیار کر چکا ہے- یہ نوجوان
ایک یادگار سیلفی بنانے کی خواہش میں خطرناک مقامات تک جا پہچنتے جبکہ یہی
شوق متعدد نوجوانوں کی جان بھی لے چکا ہے-
|
|
حال ہی میں برطانیہ کے ایک نوجوان James Kingston نے بھی ایسی ہی ایک
خوفناک سیلفی بنائی ہے- جیمز نے یہ سیلفی پیرس کے مشہور سینکڑوں فٹ بلند
ایفل ٹاور کے ٹاپ پر کھڑے ہو کر بنائی ہے-
جمیز نے 984 فٹ بلند ایفل ٹاور پر چڑھنے کے لیے کسی قسم کوئی حفاظتی
اقدامات اختیار نہیں کیے- اور جیمز نے اپنی نئی کتاب میں خود اس بات کو
قبول کیا ہے کہ “ آغاز میں مجھے یہ ناممکن لگ رہا تھا کیونکہ ایک انتہائی
اونچا ٹاور ہے اور آپ سوچ بھی نہیں سکتے ایسی چیزوں پر چڑھنے کا“-
اگرچہ جیمز نے ایفل ٹاور کے بلند ترین مقام پر کھڑے ہو کر سیلفی بنانے میں
تو کامیابی حاصل کر لی لیکن ٹاور سے نیچے اترتے ہی انہیں پولیس نے گرفتار
کر لیا-
|
|
جیمز اس سے قبل بھی کئی بلند اور خطرناک مقامات پر سیلفی بنانے کا کارنامہ
سرانجام دے چکے ہیں- اب ان کارناموں کے لیے جیمز کو بہادر کہا جائے یا کہ
بےوقوف اس بات کا فیصلہ آپ کے ہاتھ میں ہے- |