سال 2016: دنیا کے غریب ترین ممالک

عام طور پر دیکھا گیا ہے کہ جو دنیا کے امیر ترین افراد ہوتے ہیں وہ طاقتور افراد بھی بن جاتے ہیں اور یہی صورتحال ہمیں ممالک کی سطح پر بھی دکھائی دیتی ہے کہ جو ممالک ترقی یافتہ ہوتے ہیں عموماً وہی امیر اور طاقتور بھی ہوتے ہیں اور انہی کا ذکر ہر طرف سنائی دیتا ہے- لیکن اسی دنیا میں غریب ترین ممالک کی بھی ایک بڑی تعداد موجود ہے اور آج ہم دنیا کے 10 سب سے غریب ممالک کی بات کریں گے اور ساتھ ہی ان کی غربت کی وجوہات بھی بیان کریں گے- واضح رہے کہ یہ اعداد و شمار ورلڈ بینک کے جاری کردہ ہیں-

Guinea
دنیا کے غریب ترین ممالک کی فہرست میں اس ملک کا نمبر دسواں ہے- یہ ملک 1990 سے اب تک معاشی عدم استحکام کا شکار ہے- اس کے علاوہ اس ملک کو شدید سیاسی بحران کا سامنا بھی رہا ہے- اس ملک کی معیشت زیادہ تر انحصار زراعت پر ہے لیکن ترقی نہ کرنے کی ایک وجہ کسانوں میں جدید معلومات کی کمی ہونا بھی ہے- اس ملک کی فی کس جی ڈی پی صرف 523.10 ڈالر ہے-

Ethiopia
دلچسپ بات یہ ہے کہ ایتھوپیا ماضی میں ایک نسبتاً امیر ملک رہا ہے لیکن آج صورتحال اس کے برعکس ہے- اس وقت یہ دنیا کا نواں غریب ترین ملک ہے- اس ملک کا فی کس جی ڈی پی 505 ڈالر ہے- یہاں پائی جانے والی غربت بنیادی وجوہات بہت بڑی آبادی٬ غیر تسلی بخش فنڈ پر انحصار اور کمزور زراعتی صنعت ہے-

The Gambia
دنیا کا آٹھواں غریب ترین ملک گیمبیا ہے جس کا فی کس جی ڈی پی 488.60 ڈالر ہے- 11,000 اسکوائر کلومیٹر کے رقبے پر پھیلے اس غریب افریقی ملک میں 1.8 ملین افراد آباد ہیں- گیمبیا کی معیشت کا زیادہ تر انحصار زراعت اور ماہی گیری کی صنعت پر ہے اور یہ دونوں شعبے ہی کمزوری کا شکار ہیں جس کی بنیادی وجہ موسم کی بدترین صورتحال ہے-

Democratic Republic of the Congo
غریب ترین ممالک کی اس فہرست میں ساتواں نمبر کانگو کا ہے- یہ افریقہ کا دوسرا سب سے بڑا ملک ہے جس کی آبادی 77 ملین افراد پر مشتمل ہے- اس ملک کا فی کس جی ڈی پی 484.20 ڈالر ہے- دلچسپ بات یہ ہے کہ یہ ملک انتہائی قیمتی قدرتی ذخائر سے مالا مال ہے لیکن یہاں کے کرپٹ اور کمزور سیاسی نظام نے اس ملک کو تباہ و برباد کر رکھا ہے-

Madagascar
اگرچہ دنیا کے غریب ترین ممالک میں چند ممالک ایسے بھی ہیں جو اپنی معیشت کو بہتر بنانے کے لیے کوشاں ہیں لیکن بدقسمتی سے مڈغاسکر کا شمار ان ممالک میں نہیں ہوتا ہے- مڈغاسکر دنیا کا چھٹا غریب ترین ملک ہے جس کا فی کس جی ڈی پی 463 ڈالر ہے- گزشتہ 20 سالوں کے دوران اس جزیرے کے معیارِ زندگی میں 20 ملین سے زائد افراد پر مشتمل آبادی کے ساتھ نمایاں کمی واقع ہوئی ہے- ان کی غربت کی بنیادی وجہ کاشتکاری کے لیے زمین کی کمی ہے جبکہ یہاں معیشت کا انحصار زرات پر ہے-

Liberia
اس غریب ملک کو تباہ کرنے میں سب سے بڑا کردار خانہ جنگی نے ادا کیا جو کہ 1999 سے 2003 تک جاری رہی اور آج تک یہ ملک سنبھل نہیں پایا- یہ ملک 14 سال تک سیاسی تنازعہ کا شکار رہا جس نے نہ صرف معیشت کو تباہ کیا بلکہ خانہ جنگی کی جانب دھکیل دیا- یہ دنیا کا پانچواں غریب ترین ملک ہے اور اس فی کس جی ڈی پی 454.30 ڈالر ہے-

Niger
نائجر نہ صرف دنیا کا چوتھا غریب ترین ملک ہے بلکہ یہ دنیا کے سب سے غیر ترقی یافتہ ممالک میں سے بھی ایک ہے- اگرچہ یہ ملک بچوں کی شرح اموات میں کمی لانے اور تعلیم کو شعبے کو ترقی دینے کے لیے مستقل کوشاں ہے لیکن پھر بھی بدقسمتی سے ابھی تک اس کا شمار غریب ترین ممالک میں ہی ہوتا ہے- اس ملک کا فی کس جی ڈی پی 415.40 ڈالر ہے- نائجر کی معیشت کا انحصار قیمتی قدرتی ذخائر نکالنے جن میں سونا٬ یورینم اور آئل شامل ہیں پر اور کسی حد تک زراعت پر ہے- اور یہ دونوں ہی شعبے یہاں اچانک تبدیل ہوجانے والے موسم کی وجہ سے غیر مستحکم ہیں-