وسطی ویلز کے Machynlleth اور Dolgellau نامی قصبوں کے
درمیان گھاس سے ڈھکی ایسی وادیوں کا سلسلہ موجود ہے جنہیں فوٹوگرافروں اور
ہوائی بازی سے محبت رکھنے والوں کے درمیان لڑاکا طیاروں کو ایکشن میں
دیکھنے کے حوالے سے شہرت حاصل ہے-
|
|
ویسے تو اس علاقے کو کم پرواز ایریا 7 کے طور پر جانا جاتا ہے لیکن اسے
Mach Loop کے نام سے بھی جانا جاتا ہے-
یہ ایک تنگ وادی ہے اور اس میں موجود پہاڑوں کے درمیان مختلف موڑ ہیں جبکہ
مختلف لڑاکا طیارے انہی خطرناک موڑ اور راستوں سے گزر کر اپنے صلاحیتوں کا
مظاہرہ کرتے ہیں- بعض اوقات یہ طیارے زمین سے صرف 100 فٹ کی دوری پر رہ
جاتے ہیں جبکہ ان کی رفتار 500 میل فی گھنٹہ ہوتی ہے-
ہوا میں اڑتے یہ لڑاکا طیارے اکثر نظارہ کرنے والوں کے اتنے قریب آجاتے ہیں
کہ جہاز کا کاکپٹ اور اس میں موجود پائلٹ کو بالکل واضح طور پر دیکھا
جاسکتا ہے-
ایک دلچسپ بات یہ ہے ان لڑاکا طیاروں کی تصاویر کھینچے کے لیے مختلف
فوٹوگرافر قریبی پہاڑیوں پر چڑھ جاتے ہیں اور کئی بہترین مناظر کو اپنے
کیمروں میں قید کرنے میں کامیاب ہوجاتے ہیں-
|
|
لڑاکا طیاروں کی نچلی سطح پر پرواز کا شیڈول پہلے سے طے ہوتا ہے اور مقامی
آبادی ان دلچسپ نظاروں سے لطف اندوز ہونے کے پہلے سے ہی تیاری کر لیتی ہے- |