یقیناً سانپ یا اژدھے کا نام سنتے ہی جسم میں ایک خوف کی
لہر دوڑ جاتی ہے جبکہ اسے پالتو جانور بنانا کسی طور بھی خطرے سے خالی نہیں
لیکن چین کا ایک عمر رسیدہ جوڑا گزشتہ 7 سالوں سے ایک خطرناک python سانپ
کے ساتھ ایک ہی گھر میں رہائش پذیر ہے-
|
|
چینی صوبے Hainan کے شہر Haikou سے تعلق رکھنے والا اس جوڑے کے پاس موجود
یہ سانپ اس وقت 60 کلوگرام وزنی اور 3.7 میٹر طویل ہے-
68 سالہ Shi Jimin نے اس سانپ کو 2009 میں ایک پالتو جانور کے طور پر پالنا
شروع کیا تھا اور اس وقت یہ سانپ صرف ایک بچہ تھا جس کی لمبائی 30 سینٹی
میٹر تھی-
Shi Jimin اور ان کی بیوی اس خطرناک سانپ کے ساتھ ایک ہی چھت کے نیچے
آزادانہ رہتے ہیں اور انہوں نے اپنے تحفظ کے لیے کسی قسم کے حفاظتی اقدامات
نہیں کر رکھے-
روزانہ شام میں اس سانپ کو گرم پانی سے نہلایا جاتا ہے جس کے بعد یہ سونے
کے لیے اپنے نرم بستر پر خود ہی چلا جاتا ہے-
|
|
تاہم موسمِ سرما میں اس سانپ کو ایک اسٹیل کے پنجرے میں رکھا جاتا ہے
کیونکہ یہ سانپ موسمِ سرما کے دوران 6 ماہ تک مسلسل سوتے رہتے ہیں- سونے کے
دوران اس سانپ کے پنجرے میں ایک کمبل بھی موجود ہوتا ہے اور غلطی سے بھی
اسے پریشان نہیں کیا جاتا-
Shi Jiming کا کہنا ہے کہ “ اتنا بڑا سانپ پالنا مہنگا ترین عمل ہے اور
میری ماہانہ آدھی پنشن صرف اس سانپ کے اخراجات پورے کرنے میں ہی خرچ ہوجاتی
ہے- یہ ہر 20 سے 30 دن میں 8 درمیانے سائز کی زندہ مرغیاں یا پھر 5 بڑی
مرغیاں کھاتا ہے“- |