جاپان سے متعلق چند دلچسپ حقائق جو آپ نہیں جانتے

جاپان کا شمار دنیا کے سب سے زیادہ ترقی یافتہ ممالک میں ہوتا ہے اور اس قوم نے زندگی کے مختلف شعبہ جات میں اپنی صلاحیتوں کا لوہا منوایا ہے- چاہے ہم ٹیکنالوجی کے میدان کی بات کریں یا پھر طبی تحقیق کی ہمیں جاپان کا ذکر ہی سنائی دیتا ہے- لیکن یہ تو وہ باتیں ہیں جو دنیا کے سامنے ہیں جبکہ جاپان سے چند ایسے حیران کن حقائق بھی وابستہ ہیں جن کے بارے میں بہت کم لوگ جانتے ہیں-

جاپانی قوم دنیا کی سب سے زیادہ تعلیم یافتہ قوموں میں سے ایک ہے- یہاں 15 سال سے زائد عمر کے 99 فیصد بچے خواندہ ہیں-

جاپان میں بسنے والی samurai قوم کے نزدیک گنجا ہونا انتہائی شرمناک بات ہے اور یہ عمل قوانین توڑنے کے کفارہ کے طور پر اپنایا جاتا ہے-

جاپان میں پیدا ہونے والے زیادہ تر کتے دماغی نقائص یا پھر کمزور ہڈیوں کی بیماری کا شکار ہوتے ہیں-

جاپان کی زیادہ تر سڑکوں کی کوئی شناخت موجود نہیں ہے- صرف دو جاپانی مقام ایسے ہیں جہاں موجود سڑکوں کو کوئی نہ کوئی نام دیا گیا ہے- ان میں Kyoto اور Hokkaido نامی مقامی شامل ہیں-

اولاد گود لینے کے معاملے میں جاپانی جوڑے لڑکیوں کے مقابلے میں لڑکوں کو ترجیح دیتے اور 98 فیصد کیسز ایسے ہیں جن میں لڑکوں کو گود لیا گیا ہے-

جاپان میں بچوں سے زیادہ تعداد پالتو جانوروں کی ہے-

جاپان کا ایک ہائی وے کا راستہ ایک عمارت سے ہو کر گزرتا ہے- گیٹ ٹاور نامی یہ عمارت جاپانی شہر اوسکا میں واقع ہے-

جاپان میں تارکین وطن کی شرح بہت کم ہے اور یہاں رہنے والے 98 فیصد افراد جاپانی ہی ہیں-

جاپان میں دسمبر 1947 کے بعد سے فرائیڈ چکن کو کرسمس کی ایک اسپیشل ڈش کی حیثیت حاصل ہے- یہی وجہ ہے کہ متعدد جاپانی اپنا کرسمس مشہور فاسٹ فوڈ ریسٹورنٹ KFC پر مناتے ہیں-

چلتے ہوئے کھانا یقیناً نامناسب معلوم ہوتا ہے اور جاپان میں بھی اس عمل کو انتہائی برا سمجھا جاتا ہے- یہی وجہ ہے کہ اس ملک میں کوئی بھی شخص راہ چلتے کھاتا ہوا نہیں دکھائی دیتا-

< Previous ناقابلِ یقین کیڑے اور حیرت انگیز خصوصیات NEXT > مردہ اژدھا کا زندہ ہونا اور ہمارا نفس